Poytaxt ko`chalarida avtomashinalar ko`payib ketganligi uchun ba`zida piyodalarning yo`ldan o`tishi qiyin bo`lib qoladi. Aksariyat haydovchilar to`xtash mumkin bo`lmagan joyga avtomashinalarini qo`yib, odamlarning, boshqa mashinalarning o`tishiga xalaqit qilishadi. Bunday holatlar uchun ham biror jazo bormi?”
Ra`no Zoirova, Toshkent shahri.
Alisher ABDUQODIROV, Toshkent shahar IIBning YHXB jamoatchilik va OAV bilan ishlash bo`limi inspektori, mayor:
— Bunday holatlarda yo`lga noto`g`ri joylashtirilgan avtomashinalar harakatlanayotgan boshqa mashinalarga, piyodalarga xalaqit qilib, ularning xavfsizligiga tahdid soladi. Shuning uchun haydovchilar yo`l harakati qoidalariga rioya qilgan holda avtoturargohlarga mashinalarini qo`yishlari lozim. O`zbekiston Respublikasi Ma`muriy javobgarlik to`g`risidagi kodeks (MJtK)ning 1286-moddasiga asosan yuqoridagi kabi holatlarga sabab bo`lgan haydovchilar eng kam oylik ish haqining 3 barobarida ma`muriy javobgarlikka tortiladilar. Agar bu qonunbuzarlik haydovchi tomonidan bir yil davomida yana qayta sodir etiladigan bo`lsa, eng kam oylik ish haqining 5 barobari va haydovchi qayta-qayta qonunbuzarliklarga yo`l qo`ysa, eng kam ish haqining 10, 15 barobari miqdorida jarima to`laydi. Mas`ul shaxs qonunbuzar haydovchiga nisbatan ma`muriy bayonnoma tuzadi. Agar noto`g`ri joylashtirilgan avtomobil transportlar harakatiga xalaqit qiladigan bo`lsa, uning haydovchisi bo`lmasa, mas`ul shaxs O`zbekiston Respublikasi MJtKning 291-moddasiga asosan transport vositasini tekshiruvdan o`tkazish va qo`lga olish huquqiga ega bo`ladi. Avtomashina jarima maydonchasiga olib kelinadi. Bu Vazirlar Mahkamasining 2011 yil 25 maydagi №149 sonli qaroriga asosan amalga oshiriladi.
“Darakchi” gazetasining 15 sentyabr, payshanba kuni sotuvga chiqadigan yangi sonida “Muddatidan oldin nafaqaga chiqishim mumkinmi?”, “Oliy ma`lumotsiz hisobchi bo`lib ishlash mumkinmi?”, “Sayohatim sug`urtalanadimi?” kabi savollarga javob olishingiz mumkin.
12.05.2020, 20:18
Bugun 12-may kunining ikki yarmida Poytaxtimiz bo`ylab kuchli shamol va yog`ingarchilik bo`lishi ma`lum qilingan. Favqulodda vaziyatlar vazirligi shu munosabati bilan Toshkent shahri aholisini ogoh bo`lishga...18.10.2017, 12:10
Kuni kecha soat chamasi 22:00 larda O`zbekiston hududiga kirib kelgan antisiklon orqasidan shiddatli shamol, yomg`ir va sezilarli sovuq harorat olib kirdi. Kuchli shamol poytaxtlik avtomobilchilarga...30.09.2017, 09:32
GM Uzbekistan avtomobillar savdosi tizimini takomillashtirish ustida ishlashda davom etadi va o`z mijozlariga, kompaniya bilan aloqada bo`lishning yanada qulay va maksimal darajada shaffof bo`lgan xizmat...28.08.2017, 11:35
Toshkentning Mirzo Ulug`bek tumanida oqibati o`lim bilan yakunlangan YTH sodir bo`ldi. Facebook`ning "Voditeli tashkenta" guruhida ma`lum qilinishicha, "Botkino" yaqinidagi yo`lda KamAz yuk mashinasi va motosikl...