Rossiyalik qutqaruvchilar qidiruv-qutqaruv ishlari davomida Turkiyadagi turar-joy binosi vayronalarini tozalash chog`ida katta miqdorda pul topdi. Bu haqda Rossiya Favqulodda vaziyatlar vazirligi xabar qildi.
"Rossiya Favqulodda vaziyatlar vazirligi xodimlari halokatli zilziladan keyin yana vayronalar qatlamini ochishda yuz dollarlik banknotlar bilan to`ldirilgan qozonni topdilar. Inventarizasiya uchun 150 ming AQSh dollar mahalliy polisiyaga o`tkazildi", - deyiladi xabarda.
Eslatib o`tamiz, oxirgi ma`lumotlarga ko`ra, episentri Turkiyaning Qahramanmarash shahrida bo`lgan dahshatli zilzila qurbonlari soni 31,6 ming kishidan oshdi. Hamon vayronalar ostidan omon qolganlar olib chiqilmoqda.
