Россиялик қутқарувчилар қидирув-қутқарув ишлари давомида Туркиядаги турар-жой биноси вайроналарини тозалаш чоғида катта миқдорда пул топди. Бу ҳақда Россия Фавқулодда вазиятлар вазирлиги хабар қилди.
"Россия Фавқулодда вазиятлар вазирлиги ходимлари ҳалокатли зилзиладан кейин яна вайроналар қатламини очишда юз долларлик банкнотлар билан тўлдирилган қозонни топдилар. Инвентаризация учун 150 минг АҚШ доллар маҳаллий полицияга ўтказилди", - дейилади хабарда.
Эслатиб ўтамиз, охирги маълумотларга кўра, эпицентри Туркиянинг Қаҳраманмараш шаҳрида бўлган даҳшатли зилзила қурбонлари сони 31,6 минг кишидан ошди. Ҳамон вайроналар остидан омон қолганлар олиб чиқилмоқда.
