Joriy yilning 20-24 iyun kunlari O`zbekistonning Toshkent, Samarqand, Buxoro shaharlarida Qozog`iston madaniyat kunlari, uning doirasida Toshkent shahrida 20-23 iyun kunlari Qozog`iston kinosi kunlari bo`lib o`tmoqda.
Toshkent shahridagi "Turkiston" san`at saroyida Qozog`iston madaniyat kunlarining ochilish marosimi va R.Baglanova nomidagi "Qozoqkonsert" davlat muassasasi ijodiy guruhining konsert dasturi o`tkazildi.
Ochilish marosimida Qozog`iston Respublikasi madaniyat va sport vaziri o`rinbosari Nurkissa Daueshov va O`zbekiston Respublikasi madaniyat va turizm vaziri Ozodbek Nazarbekovning ishtirok etdi. Konsert dasturida Qozog`iston Respublikasida xizmat ko`rsatgan arbob Alisher Karimov, xalqaro tanlovlar sovrindorlari Ruxiya Baydukenova, Madi Sizdikov, "Gulder" ansambli, "Turan" folklor-etnografik ansambllarining chiqishlari namoyish etildi.
Shuningdek, A.Navoiy nomidagi kinosaroyda Qozog`iston kino kunlarining ochilish marosimida Qozog`iston Respublikasi madaniyat va sport vaziri o`rinbosari Nurkissa Daueshov va O`zbekiston Kinematografiya agentligi direktori Firdavs Abduhalikovlar ishtirok etdi.
20-23 iyun kunlari mazkur kinosaroy zallarida “Sulton Beybars”, «Mukagali», “Dos Mukasan”, “Vremya patriotov”, «Paralimpiyachi», “Na starte”, “Leto 1941-goda” badiiy filmlari, “Kenja qiz”, “Besik jiri”, “Amen ag`a ag`ashi” multfilmlari namoyishi bo`lib o`tdi.
Bugun, 23 iyun kuni Alisher Navoiy nomidagi O`zbekiston davlat akademik katta teatrida Qozog`iston madaniyat kunlarining yopilish marosimi va Abay nomidagi Qozoq milliy opera va balet teatrining "Abay2 spektakli sahnalashtirilishi rejalashtirilmoqda.
Mazkur tadbirda O`zbekiston madaniyat va turizm vaziri Ozodbek Nazarbekov va Qozog`iston Respublikasi madaniyat va sport vaziri Asxat Oralovning ishtirok etadi.
