AsosiyMadaniyat
06.05.2024 08:30
922

Turkiyaning Izmir shahrida Turon xalqaro kinofestivali bo`lib o`tdi

'Turkiyaning Izmir shahrida Turon xalqaro kinofestivali bo`lib o`tdi'ning rasmi

Turkiyaning Izmir shahrida 2–3 may kunlari Turon xalqaro kinofestivali bo`lib o`tdi. Unda O`zbekistondan Eldor Qudratillaev «Dunyo va men» hamda Dmitriy Lebedev «Uzum ta`mi» nomli qisqa metrajli filmlari bilan ishtirok etdi. Bu haqda Kinematografiya agentligi Axborot xizmati xabar qildi.

Tanlov yakuniga ko`ra, Dmitriy Lebedevning «Uzum ta`mi» nomli filmi «Eng yaxshi qisqa metrajli film» deb topildi. Shuningdek, Madaniyat vazirligi huzuridagi Kinematografiya agentligi direktori Firdavs Abduxoliqov «Kino san`atiga qo`shgan hissasi uchun» mukofoti bilan taqdirlandi.

Festivalda turkiy xalqlar kino ijodkorlari, Qozog`iston, Qirg`iziston, Turkmaniston, Turkiya, Eron, Ozarbayjon va Fransiya, Vengriyadan nomzodlar qatnashdi.

Ma`lumot uchun, «Uzum ta`mi» filmida rollarni taniqli aktyor Farhod Mahmudov nomidagi kinoustaxona aktyorlari Dilyor Fozilov va Roziya Raimqulova ijro etgan. Senariy hammuallifi va rejissyor yordamchisi BDKI Toshkent filiali talabasi Aleksandr Amelin.


 

 

    Bizni ijtimoiy tarmoqlarda kuzatib boring

    Boshqa yangiliklar