Tadbirga keluvchilar stadionga faqat o‘z sektoriga mos kirish yo‘lagidan kirishlari kerak. Buning uchun oldindan kirish eshigingiz va stadion sxemasini ko‘zdan kechiring.
Chipta faqat QR-kodli bo‘lishi shart – uni telefoningizda ko‘rsatishingiz mumkin. QR-kodsiz kirish mumkin emas.
Shuningdek, tashqaridan oziq-ovqat va ichimlik olib kirish taqiqlanadi. Ichkarida turli taom va ichimliklar taqdim etiladigan fudkortlar faoliyat yuritadi.
Tamaki mahsulotlari, o‘tkir yoki xavfli buyumlar olib kirilishi qat’iyan man etiladi. Bunday narsalar kirishda olib qo‘yiladi.
Professional darajadagi foto va video uskunalarini olib kirish va foydalanish ham taqiqlanadi.
Stadionga kirishdan avval barcha tashrif buyuruvchilar metalldetektorlar orqali tekshiriladi. Bu sizning xavfsizligingiz uchun amalga oshiriladi.
