Prezident administratsiyasi rahbari Saida Mirziyoyeva 22 noyabr kuni Dohada Yaqin Sharq va Shimoliy Afrika mintaqasining yosh va istiqbolli dizaynerlarini qo‘llab-quvvatlashga qaratilgan e’tiborga molik tashabbuslaridan biri bo‘lgan Fashion Trust Arabia (FTA) jamg‘armasiga tashrif buyurdi.
"Tashrif doirasida biz FTA platformasi faoliyatini kuzatdik va loyihalar bilan tanishdik. Tardo‘sh tashabbuslar orasida M7 madaniyat markazidagi mintaqa va uning madaniy merosiga bag‘ishlangan Threads of Impact ko‘rgazmasi alohida ajralib turadi. Dizaynerlarimizning qo‘l mehnati namunalari va betakror milliy liboslarini namoyish etuvchi Woven Legacies: Uzbekistanʼs Living Heritage ko‘rgazmasi doirasida O‘zbekiston taqdim etilayotganidan xursandman", deb yozadi Mirziyoyeva.
Saida Mirziyoyeva, shuningdek, Rem Koolhaas va Samir Bantal rahbarligidagi Countryside: A Place to Live, Not to Leave ("Qishloq: tark etish emas, yashash uchun makon") nomli ko‘rgazmaga tashrif buyurgan.
