O‘zbekiston delegatsiyasi 2026 yilgi qishki Olimpiya o‘yinlarining ochilish marosimida ishtirok etdi. Unda short-trek bo‘yicha O‘zbekiston terma jamoasi a’zosi Daniil Yeybog delegatsiya bayroqdori vazifasini bajardi.
O‘zbekiston delegatsiyasi ushbu nufuzli musobaqa uchun jami 4 ta Olimpiya yo‘llanmasini qo‘lga kiritgan. Dmitriy Chigirev va Yekaterina Geynish figurali uchish sportining juftlik bahslarida, Medet Nazarov tog‘ chang‘i sportining slalom va gigant-slalom yo‘nalishlarida, Daniil Yeybog esa short-trekning 500 metr masofasida Olimpiya litsenziyasiga ega bo‘lgan.
Biroq tayyorgarlik jarayonida Dmitriy Chigirev jarohat olib, Olimpiya o‘yinlarigacha to‘liq tiklan olmadi. Shu sababli O‘zbekiston sportchilari Milan–Kortina–2026 musobaqalarida tog‘ chang‘isi va short-trek yo‘nalishlarida ishtirok etadi.
