Norvegiyalik milliarder Olaf Ton o`zining 6 milliard dollar boyligini tibbiyot sohasidagi tadqiqotlarni moliyalashtirish uchun sarflashga qaror qildi.
U umri davomida ishlab topgan pullari ezgulik uchun sarflanishini istadi va o`zining bu harakatini “Axir o`lganimda boyligimni narigi dunyoga olib ketolmayman-ku...” deb izohladi. Olaf Tonning o`zi kamtarona hayot kechiradi. Oilali bo`lsa-da, farzand ko`rmagan. “Biror joyga borish uchun velosiped va chang`im bor. Ozgina ovqatga qornim to`yadi. Shunday ekan, ortiqcha pul yig`ishga na hojat?” deydi sobiq milliarder nashrlarga bergan intervyusida.
