2017 yil bir insonning yolg`on va`dalariga ishonib, shar`iy nikohdan o`tdim. Kattato`yqilib nikohiga oldi. Ma`lum vaqt yaxshi yashadik, keyin qaynonam bilan urishib qoldim. 6 oylik homilam bilan ota uyimga keldim, shu bilan erim men bilan yashashni istamadi. Farzandimiz tug`ildi hamki, erim kelmadi. Bilsam bir juvon bilan qonuniy nikohdan o`tibdi. Uyiga borsam, qaynonam “birga yashatmayman”, dedi. Bir nechta tashkilotga murojaat qildim, biroq qonuniy nikohdan o`tmaganimiz uchun hech kim hal qilib bermayati. Endi qanday yo`l tutsam bo`ladi?
M.O., Namangan shahar Uchqo`rg`on tumani
Doniyorbek EShChANOV, Fuqarolik ishlari bo`yicha Romitan tumanlararo sudi sudyasi:
— Qonunga ko`ra, nikoh fuqarolik holati dalolatnomalarini yozish (FHDYo) organlarida tu zilishi va qayd etilishi lozim. Shu bois, diniy rasm rusumlarga binoan tuziladigan nikoh haqiqiy hisoblanmaydi va qonuniy deb tan olinmaydi.
Oila kodeksining 62-moddasiga ko`ra, o`zaro nikohda bo`lmagan otaonadan bola tug`ilgan taqdirda, otaonaning birgalikdagi arizasi yoki bola otasining arizasi bo`lmasa, ushbu Kodeksning 61moddasida ko`rsatilgan hollarda otalik sud tartibida belgilanishi mumkin.
Otalikni sud tartibida belgilash ota-onadan birining yoki bolaning vasiysi (homiysi)ning yoxud bola kimning qaramog`ida bo`lsa, shu shaxsning arizasiga, shuningdek, bola voyaga etganidan keyin uning o`zi bergan arizasiga muvofiq amalga oshiriladi.
Otalikni belgilayotganda sud bolaning onasi bola tug`ilishiga qadar javobgar bilan birga yashagani va umumiy ro`zg`or yuritgani yoki ular bolani birgalikda tarbiyalaganligi yoxud ta`minlab turganliklarini yoki ja vobgarning otalikni tan olganligini aniq tasdiqlovchi boshqa dalillarni e`tiborga oladi. Sud orqali otalikni belgilab, aliment undirish huquqingiz mavjud.
Uy-joy kodeksining 32-moddasiga muvofiq, turar joy mulkdorining oila a`zolari deb u bilan doimiy birga yashayotgan xotini (eri) va ularning farzandlari tan olinadi. Er-xotinning otaonasi, shuningdek, mulkdor bilan doimiy birga yashayotgan oilali farzandlari va ularning er-xotini, agar ular ilgari bu huquqqa ega bo`lmagan bo`lsa, faqat o`zaro kelishuvga binoan mulkdorning oila a`zolari, deb tan olinishi mumkin.
Sadoqat ALLABERGANOVA