Бугун, 25 декабрда Ўзбекистон Республикаси Бош прокуратурасида Соғлиқни сақлаш вазирлиги тизимида коррупция ҳолатлари ҳамда уларни келтириб чиқараётган шарт-шароитларни муҳокама қилишга бағишланган Корруацияга қарши курашиш бўйича республика идоралараро комиссиясининг йиғилиши бўлиб ўтди...
Йиғилишда Ўзбекистон Республикаси Президенти маслаҳатчиси Абдужаббор Абдувахитов, Ўзбекистон Республикаси Президенти маслаҳатчиси ўринбосарлари Умар Исмоилов, Улуғбек Тошходжаев, Ўзбекистон Республикаси бош вазири ўринбосари Азиз Абдухакимов, Президент администрацияси масъул ходимлари, Олий Мажлис сенати ва қонунчилик палатасининг тегишли қўмиталари раислари, коррупцияга қарши курашиш бўйича Республика идоралараро комиссиясининг барча аъзолари бўлган давлат органлари раҳбарлари, соғлиқни сақлаш вазирлиги масъуллари ва тегишли мутасадди мансабдор шахслари ва ҳудудий бошқарма бошлиқлари, шунингдек, жойларда Қорақалпоғистон Республикаси Вазирлар кенгаши раисининг, Тошкент шаҳар ва вилоятлар ҳокимларининг ўринбосарлари, прокурорлар ва соҳага алоқадор бошқа идоралар, қўмиталар раҳбарлари, оммавий ахборот воситалари вакиллари иштирок этди.
Йиғилиш кун татибига Соғлиқни сақлаш тизимида коррупцияга қарши курашиш ишлари аҳволини муҳокама қилиш ва зарур чора-тадбирларни белгилаб олиш масаласи киритилди.
“ҲАР ТЎРТИНЧИ ХОДИМНИНГ СОДИР ҚИЛГАН ҚИЛМИШИ КОРРУПЦИЯВИЙ ЖИНОЯТ”
Ниғматулла ЙЎЛДОШЕВ, Ўзбекистон Республикаси Бош прокурори:
— Сизларга яхши маълумки, ҳар қандай мамлакатнинг тараққиёт ва юксалиш даражаси – аҳоли учун яратилган шароитлар, биринчи навбатда, миллат генофондини асраш, фуқаролар саломатлигини муҳофаза қилиш ҳамда тиббий хизмат сифати ва самараси билан баҳоланади. Шу боис, Давлатимиз раҳбари тараққиётимиз янги босқичининг илк кунларидан бошлаб соғлиқни сақлаш тизимини тубдан ислоҳ қилишга қаратилган ташаббусларни илгари сурдилар.
Фуқаролар соғлиғини сақлаш, аҳоли учун сифатли тиббий хизматдан тўлақонли фойдаланиш имконини яратиш бўйича белгиланган янги чора-тадбирлар ижроси шахсанмуҳтарам Президентимиз назоратидадир.
Сўнгги 3 йилда ушбу соҳага оид 170 дан ортиқ ҳужжат қабул қилинганининг ўзиёқ бунинг исботидир. Соҳани молиялаштириш ҳажми ҳам йилдан-йилга ортиббормоқда.
Жумладан, 2018 йилда тиббиёт соҳасига 9 трлн. 300 млрд. сўм ажратилган бўлса, жорий йилда бу кўрсаткич 30 фоизга ортиб,12 трлн. 100 млрд. сўмни ташкил этди.
Келгуси йилда эса, соҳага 2 трлн. 800 млрд. сўм ёки 23 фоиз кўп маблағ йўналтириш режалаштирилди.
3 йилда 6 та ихтисослаштирилган, замонавий тиббиёт марказлари ташкил этилиб, уларнинг сони 16 тага етказилди.
Туман ва шаҳар шифохоналарида 306 та янги ихтисослашган бўлимлар,1.200 та тез ёрдам шохобчалари фаолияти йўлга қўйилди.
Тез ёрдам бригадалари сони 818 тадан 1.666 тага ёки 2 баробарга кўпайтирилди,1.500 дан ортиқ “тез ёрдам” машиналари харид қилинди.
Бироқ, давлат миқёсида, хусусан шахсан Президентимиз томонидан қаратилаётган алоҳида эътибор ва ғамхўрликларга қарамасдан,соҳада жиддий муаммолар, камчилик ва нуқсонлар ҳамон сақланиб қолаётгани барчамизни ташвишга солмоқда.
Айниқса,соғлиқни сақлаш соҳасидаги тамагирлик ва суиистеъмолчилик, тизимнинг барча бўғинларида коррупциянинг кенг илдиз отгани хавотирлидир.
Шу сабабли,Коррупцияга қарши курашиш бўйича Республика идораларарокомиссиясининг бугунги йиғилишида соғлиқни сақлаш соҳасида вужудга келган аҳволни муҳокама қилиб, зарур чора-тадбирларни белгилаб олишга қарор қилдик.
Коррупцияга қарши курашиш ва унга чек қўйиш борасида муҳтарам Президентимиз ташаббуслари билан амалга оширилаётган ишлардан яхши хабардорсиз.
Энг аввало,“Коррупцияга қарши курашиш тўғрисида”ги Қонун, алоҳида Давлат дастури ва норматив ҳужжатлар қабул қилинди.
Бу ҳужжатларда барча вазирлик ва идоралар олдига тегишли соҳаларда суиистеъмолчиликларни бартараф этиш бўйича аниқ вазифалар қўйилди.
Шунга қарамасдан, соғлиқни сақлаш тизимида коррупцияга қарши кураш бўйича амалий ишлар оқсаётганлиги, тизимдаги айрим раҳбарлар бу иллатдан ҳалибери қутилолмаётганлиги, аччиқ бўлса ҳам, ҳақиқатдир.
Эътибор беринг! Сўнгги 2 йилда тизимдаги 581 нафар ходимлар турли жиноятларни содир қилганлиги учун жиноий жавобгарликка тортилган.
Ташвишлиси, уларнинг 114 нафари ёки ҳар тўртинчисининг содир қилган қилмиши коррупциявий жиноят ҳисобланади.
Бу даврда 115 нафар тиббиёт ходимлари бепарволик ва эътиборсизликка йўл қўйиб, шифокор деган улуғ номга доғ туширганлиги учун жиноий жавобгарликка тортилган.
Бу ходимлар 50 та ҳолатда беморга ўз вақтида малакали тиббий ёрдам кўрсатмаган,24 та ҳолатда даволаш ишларини нотўғри олиб борган,13 та ҳолатда жарроҳлик операциясини ўтказмаган ёки нотўғри ўтказган,7 та ҳолатда касалликни барвақт аниқлаш чорасини кўрмаган.
Энг ачинарлиси, бундай қилмишлар оқибатида 27 нафар фуқаро оғир ва ўта оғир тан жароҳати олган.
Жавобгарликка тортилган ходимларнинг 3 нафари вазирлик ва ихтисослаштирилган тиббиёт марказларида, 49 нафари вилоят ҳамда 529 нафари туман – шаҳар миқёсидаги муассасаларда фаолият олиб борган.
Жиноий жавобгарликка тортилганлар, асосан,Фарғона (91 нафар), Андижон (80), Самарқанд (77), Наманган (44), Қашқадарё (33), Сурхондарё (32) ва Хоразм (32) вилоятлари ҳисобига тўғри келади.
Коррупцияиллати ходимни ишга қабул қилишдан бошлаб, молия-хўжалик фаолиятини юритиш, тиббий хизмат кўрсатиш, дори - дармонтаъминотикаби йўналишларни қамраб олган.
Тизимдаги яна бир аянчли ҳолат – тиббиёт ходимларининг психотроп моддалар ноқонуний савдосибилан шуғулланишидир.
Ўтган даврда 19 нафар ходим бундай ишга қўл урганлиги учун жиноий жавобгарликка тортилди, уларнинг 12 нафарини ҳамширалар,7 нафарини шифокорлар ташкил этди.
Афсуски, тизимда шаффофлик, адолат, тиббий хизмат сифатини ошириш нуқтаи назаридан амалий ва таъсирчан чоралар деярли кўзга ташланмаяпти.
Эътибор беринг! 2018 йилда «Ижтимоий фикр» жамоатчилик Маркази ўтказган сўровда иштирок этганларнинг 34 фоизи соғлиқни сақлаш тизимида коррупция кенгтарқалган деган фикрни билдирган бўлса, 2019 йилда бу салбий кўрсаткич 43 фоизни ташкил этган.
Аввало, ҳар қандай тизим, ҳар қандай соҳага халқ, кенг жамоатчилик баҳосидан холис баҳо йўқ, десак адашмаган бўламиз.
