Kecha, 22 yanvar kuni Axborot va ommaviy kommunikasiyalar agentligida o`tkazilgan matbuot anjumanida Xalq ta`limi vazirining birinchi o`rinbosari Usmon Sharifxo`jaev sirtqi ta`limda tahsil olayotgan talabalar aynan nechanchi kursdan boshlab maktablarda dars o`ta olishi hamda nechchi soatgacha dars olishlari mumkinligi haqida to`liq ma`lumot berdi.
“Bakalavr bosqichidagi talabaga faqatgina yakuniy kursda ishlash uchun ruxsat berilgan. Chunki aynan pedagogikaga yo`naltirilgan fanlar yuqori kursda o`qitiladi. Sirtqi ta`lim shaklida o`qiydigan talabalarning mutaxassisliklari bo`yicha boshqa diplomlari bo`lsagina ular ishlashi mumkin”,–deydi Usmon Sharifxo`jaev.
