Avval xabar qilganimizdek, Turkiya madaniyat va turizm vazirligi tomonidan o`zbekistonlik jurnalist va blogerlar uchun Istanbul, Antaliya va Kappadokiya shaharlariga navbatdagi sayohat uyushtirildi. Sayohatimizning uchinchi kuni ertaknamo va tarixiy Kappadokiyada bo`ldi.
Bu erga tashrif buyurish uchun Istanbuldan bir soatlik parvoz amalga oshiriladi. Shuningdek, Kayseri aeroportidan ertaklar maskani Kappadokiyagacha transportda yana bir soatlik yo`l bosib o`tiladi va siz toshdan bunyod bo`lgan olamshumul dunyoga tushib qolasiz. Bu yer endi alohida Turkiya.
Kappadokiya vulqon otilishi natijasida paydo bo`lgan, bir-birini takrorlamas, piramida shaklidagi tepaliklar va juda qiziqarli landshaft ko`rinishiga ega bo`lgan dunyodagi yagona maskan. Joyning nomlanishi bilan bog`liq bir nechta ma`lumotlar va afsonalar mavjud. Shulardan biri: qadimiy forscha Haspaduya nomidan kelib chiqqan bo`lib, ba`zi tadqiqotchilarning fikriga ko`ra, Eronning Xuv-aspa-dahyu — "chiroyli otlar mamlakati" degan ma`nosidan olingan. Boshqa ma`lumotlarda mintaqaning nomi Luvian Kat-patukadan olingani, ya`ni "pastki mamlakat" degan ma`noni anglatadi.
Nega aynan Kappadokiya?
5 ta shaharchadan tashkil topgan Kappadokiya o`tgan asrlarni o`zida to`liq saqlab qolganki, butun dunyoda bunday noyob tabiiy landshaftlarni, tabiatning o`zi yaratgan ajoyib rasmlarni uchratmaysiz! Bu yer juda qadimiy, tarixi noyob va boy, u ko`plab afsonalarni o`zida saqlaydi. Har qanday insonni Kappadokiyaga kelishga undovchi besh sabab bor!
Kappadokiya 2 ta — yer usti va yer ostidan iborat shahar bo`lib, unda 100 dan ortiq yerosti shaharlari mavjud. Ularning eng kattasi "Qaymoqli" nomi bilan ataladi. Mazkur yer osti shahri 8 qavatdan iborat bo`lib, 20 metr chuqurlikda joylashgan. 1964 yildan boshlab sayyohlar tashrifi uchun ochilgan yer osti shahrining yuqori 4 qavatini aylanib chiqishga ruxsat berilgan. Ma`lumotlarga ko`ra, yer osti shahri yer ustida hujumlar bo`lganda, qochqinlarning dushmandan himoyalanishi vazifasini o`tovchi hudud va yashash joyi hisoblangan. Ajobtovur xonachalar, tor yo`lak va maxsus omborlar dushmandan himoyalangan fuqarolar uchun yeguliklarni yaxshi saqlash va uzoq muddatgacha yashash imkonini bergan. Alohida jihati shundaki, yer osti shahriga tushish yo`laklari juda tor bo`lib, unda faqatgina bir kishigina harakatlana oladi. Bu esa agar dushman pastki shaharga hujum qilmoqchi bo`lsa, jamoaviy bo`lib harakatlanishiga yo`l qo`ymasligini ta`minlaydi. Qayd etilishicha, 5 ming yillik tarixga ega "Qaymaqli" 9 km uzunlikdagi tunnel orqali boshqa yer osti shahri Kappadokiya - Derinkuyu bilan bog`langan.
2. Uchhisor tepaligidan Kappadokiyani kashf etasiz
Ushbu qo`rg`on Kappadokiya timsollarilan biri. Qo`rg`on barcha atrof manzaralarining ustida qad ko`tarib turadi. Uchhisor tepaligidan Moviy vodiy va "Gyoreme" ajoyib manzara bo`lib ko`rinadi.
3. Kappadokiyaga kelgan mehmon qoyadagi mehmonxonada yashashi shart!
Kappadokiyaga sayohatning o`ziga xosligidan biri — qoyadagi mehmonxonalarda yashashdir. Ma`lumotlarga ko`ra, eng mashhur mehmonxonalar Uchhisor va Gyoreme shaharchalarida joylashgan. Mehmonxonalar bir necha asrlik tarixiy noyoblikni saqlagan holda tepaliklarning bag`rida va g`orlarning ichida joylashgan. Bunday betakror muhitli mehmonxonani boshqa joydan topish mushkul.
4. Turkiyaning eng mazali taomlari qayerda?
O`ziga xos, takrorlanmas oshxonasiga ega bo`lgan Turkiyaning eng mazali taomlari ham, shubhasiz, Kappadokiyada. Aynan shu yerda go`shtli taomlarning o`zgacha usulda pishirilganining guvohi bo`lasiz. Bunday mazali taomlarni navbat bilan balandlab boruvchi tepaliklarning ajoyib manzarasini tomosha qilgan holda yuqori kayfiyatda tanovul qilasiz.
5. Havo shari — Kappadokiya sayohatining ajralmas qismi
Bugun dunyo aholisini Kappadokiyaga ohanrabodek tortuvchi narsa – bu havo sharlari! Ya`ni, aynan havo sharlarida uchish zavqi sabab bu yerga tashrif buyuruvchilar ko`p bo`ladi. Havo sharlarida bemalol uchish uchun eng qulay fursat kuz va bahor oylari. Qish oylarida esa ob-havodagi o`zgarishlar sabab, ba`zan buning imkoni bo`lmay qolishi mumkin. Shunga ko`ra, havo sharlarida uchishn hamisha bir kun avval tashkillashtiriladi, biroq, ob-havo noqulayligi yuzaga kelsa, uchish yana boshqa kunga qoldirilishi mumkin.
Xullas, bir so`z bilan aytganda, Kappadokiya har bir inson ko`rishi lozim bo`lgan dunyodagi sanoqli maskanlardan biri. Biz esa afsonaviy Kappadokiyaning yana boshqa qirralarini kashf etishda davom etamiz.
Mavzuga doir:
U shunchaki shahar emas... Yoxud dunyoni o`ziga rom etgan Istanbulning siri nimada? (fotoreportaj)
Istanbulni kashf etish qaerdan boshlanadi? (fotosayohat)
14.02.2023, 13:14
Rossiyalik qutqaruvchilar qidiruv-qutqaruv ishlari davomida Turkiyadagi turar-joy binosi vayronalarini tozalash chog`ida katta miqdorda pul topdi. Bu haqda Rossiya Favqulodda vaziyatlar vazirligi xabar qildi."Rossiya Favqulodda vaziyatlar...
11.02.2023, 23:36
Turkiya — o`zbekistonliklar eng ko`p tashrif buyuradigan qadrdon davlat, tarixi tariximizga hamohang go`zal go`sha. Afsuski, bugun uning o`nlab hududlari ayanchli manzara kasb etmoqda. Turkiya va...
08.02.2023, 10:49
Turkiyada zilzilalar sabab 5 ming 894 kishi hayotdan ko`z yumdi, 8 ming kishi qutqarildi.Bu haqda Vise-prezident Fuat Oktay ma`lum qildi.Qayd etilishicha, ayni paytga qadar zilzilalarda...
06.02.2023, 13:15
Avval xabar qilganimizdek, Turkiyaning janubi-sharqida, Suriya bilan chegara yaqinida 7,4 ballik kuchli zilzila yuz berdi. Shuningdek, zilzila Turkiyadan tashqari Suriya, Kipr va Livanda ham ko`plab...
