2021 yil 13 mart kuni Afg`onistonlik mehmonlar Din ishlari bo`yicha qo`mita rahbariyati, O`zbekiston musulmonlari idorasi vakillari va Surxondaryo viloyati hokimligi hamrohligida Afg`oniston delegasiyasi Termiz shahridagi “Hayraton” chegara maskanida yuksak saviyada kutib olindi. Bu haqda Din ishlari bo`yicha qo`mita Axborot xizmati xabar berdi.
Dastlab, mehmonlar Imom Termiziy majmuasiga tashrif buyurdilar. Bu mo``tabar zot maqbaralarini ziyorat qilib, Qur`on tilovat etildi, ezgu va xayrli duolar qilindi.
Mehmonlar majmua ziyorati doirasida so`nggi yillarda yurtimizda amalga oshirilayotgan keng qamrovli va izchil islohotlar haqida ma`lumot berildi.
Shundan so`ng, delegasiya vakillari Termizdan Samarqand shahriga etib keldilar.
Joriy yil 14 mart kuni Din ishlari bo`yicha qo`mita raisi A.Axmedov va O`zbekiston musulmonlari idorasi raisi U.Alimov Samarqand viloyati “Sarazm-Jartepa” chegara maskanida Tojikiston delegasiyasini kutib oldilar.
Ayni damda delegasiya vakillari Samarqand shahrining diqqatga sazovor joylarini ziyorat qilishmoqda.
