O`zbekiston rasmiylari: benzin sifatli, muammo uni sotayotgan mahalliy tadbirkorlarda

Jamiyat 26.04.2021, 17:25
Teglar: benzin
O`zbekiston rasmiylari: benzin sifatli, muammo uni sotayotgan mahalliy tadbirkorlarda

O`zbekistondagi ayrim avtomobillarga yoqilg`i quyish shoxobchalaridan olingan avtobenzinlar davlat standart ko`rsatkichlariga mos kelmayotgani aniqlandi, deb xabar beradi «O`zneftgazinspeksiyasi» matbuot xizmati.

Ma`lum qilinishicha, import asosida kirib kelayotgan mahsulotlar xalqaro standartlarga muvofiq bo`lib, davlat chegaralaridan olib kirishda akkreditasiyadan o`tgan laboratoriyalarning xulosalarini taqdim etilishi talab etiladi. «Import avtobenzinlarni sifatini buzilish holatlari ba`zi nopok tadbirkorlar tomonidan respublika hududida amalga oshirilmoqda», — deyiladi xabarda.

Ta`kidlanishicha, «O`zneftgazinspeksiya» nazorat-kimyo laboratoriyasi tomonidan neft mahsulotlari sifatining nazorati va tahlil qilish yo`lga qo`yilgan. Jumladan, 2021 yilning o`tgan davrida faoliyat ko`rsatayotgan 1286 ta xususiy avtomobillarga yoqilg`i quyish shoxobchalari hamda neft mahsulotlarini savdosi bilan shug`ullanadigan 61 ta yirik korxonalar nazorat qilib kelinmoqda.

«Mazkur davr mobaynida 1608 ta holatda (22 668 tonna) neft mahsulotlaridan namunalar olinib, sifat ko`rsatkichlari tahlil qilinganida 94 ta holatda (745 tonna) neft mahsulotlari sifatsiz ekanligi ma`lum bo`ldi. Shuningdek, import asosida olib kelingan 44 855 tonna neft mahsulotlaridan namunalar olinib laboratoriya sharoitida sifat ko`rsatkichlari tahlil qilinganida, mahsulotlar sifatli deb topilib tegishli xulosalar berilgan», — deya qayd etiladi xabarda.

Qayd etilishicha, «O`zbekneftgaz» AJ tomonidan 5-6 ta AYoQShdan xarid qilib olingan avtobenzin yoqilg`isi sifat ko`rsatkichi belgilangan me`yor talablariga muvofiq emasligi, butun respublikadagi avtobenzin yoqilg`ilarini sifatsiz ekanligidan dalolat bermaydi va bu bilan umumiy xulosa qilish noto`g`ri.

Sharhlar

"O`zbekneftgaz" o`ziga qarashli AYoQShlarda Ai-80 benzini narxi o`zgarmaganini ma`lum qildi

05.07.2022, 14:30

Ayrim OAV va ijtimoiy tarmoq sahifalarida 2022 yil 5 iyul kunidan “O`zbekneftgaz” AJ AYoQShlarida Ai-80 markali benzin narxi oshganligi to`g`risida turli xabarlar tarqaldi.“O`zbekneftgaz” AJ Matbuot...
Qaysi oyda avtomobil benzini ko`proq ishlab chiqarilgan?

20.11.2021, 21:39

Ma`lumotlariga ko`ra, 2021 yilning yanvar-oktyabr oylarida 902,7 ming tonna avtomobil benzini ishlab chiqarilgan.Oylar kesimida avtomobil benzini ishlab chiqarish hajmi:yanvar – 93,9 ming tonna  fevral –...
O`zbekistonda 8 oyda qariyb 730 ming tonna benzin ishlab chiqarilgan

19.09.2021, 14:24

Davlat statistika qo`mitasining dastlabki ma`lumotlariga ko`ra, 2021 yilning 1 sentyabr holatiga ko`ra, O`zbekistonda  jami 729,4 ming tonna avtomobil benzini ishlab chiqarilgan. Avtomobil benzini ishlab chiqarish hajmi...
Eng ko`p benzin qaysi viloyatda ishlab chiqarilgani ma`lum qilindi

12.08.2021, 11:50

Davlat statistika qo`mitasi ma`lumotlariga ko`ra, O`zbeksitonda 2021 yilning yanvar-iyun oylarida yirik korxonalar tomonidan 546,5 ming tonna avtomobil benzini ishlab chiqarilgan.  O`tgan yilning mos davriga nisbatan...