Xorazm viloyati Urganch shahrida 8 iyul kuni 22 yoshli ayol opa-singil tomonidan «samosud» qilindi. Bu haqda viloyat Ichki ishlar boshqarmasi axborot xizmat xabar berdi.
Ma`lum bo`lishicha, voqea Urganch shahar Jaloliddin Manguberdi nomli mahallada sodir bo`lgan. Aniqlanishicha, ushbu mahallada yashovchi 35 yoshli N.M. va 33 yoshli D.M. ismli opa-singillar Urganch shahrining Baynalminalchi mahallasida yashovchi 22 yoshli M.O. ismli ayol bilan o`zaro kelishmovchilik sabab janjallashgan.
Mazkur holat yuzasidan hozirda Urganch shahar ichki ishlar organi faoliyatini muvofiqlashtirish bo`limi tomonidan tergovga qadar tekshiruv harakatlari olib borilmoqda.
