Jizzaxda Qozon Federal universiteti filiali ochildi

Jamiyat 30.08.2021, 17:23
Teglar: ​Jizzax
Jizzaxda Qozon Federal universiteti filiali ochildi

Prezident qarori (PQ–5237-son, 28.08.2021 y.) bilan Jizzax shahrida Qozon Federal universiteti filiali tashkil etildi. Bu haqda Adliya vazirligi xabar bermoqda.   

Qarorga ko`ra, Filialda quyidagi bakalavriat ta`lim yo`nalishlari va magistratura mutaxassisliklari bo`yicha kadrlar tayyorlanadi:

  • geologiya;
  • dasturiy injiniring;  
  • iqtisodiyot;  
  • mashinasozlik;  
  • davolash ishi;  
  • stomatologiya;
  • farmasiya;  
  • tibbiy biokimyo.

 

Filial Qozon Federal universitetining (Rossiya Federasiyasi) yuridik shaxs maqomiga ega bo`lgan tarkibiy bo`linmasi hisoblanadi.

Kadrlar tayyorlash kunduzgi, sirtqi va boshqa ta`lim shakllarida olib boriladi.

Filialda ta`lim faoliyati 2022/2023 o`quv yilidan boshlanadi.

Qabul parametrlari manfaatdor vazirlik va idoralarning kadrlarga bo`lgan real ehtiyojini hisobga olib Filial tomonidan tasdiqlanadi.

Talabalarni o`qishga qabul qilish davlat granti hamda to`lov-kontrakt asosida amalga oshiriladi. Bunda, davlat granti asosida ta`lim olgan Filial bitiruvchilari 3 yildan kam bo`lmagan muddat majburiy ishlab berish sharti bilan O`zbekistonning davlat organlari va tashkilotlariga taqsimlanadi.

Bitiruvchilarga O`zbekiston Respublikasi va Rossiya Federasiyasida oliy ma`lumot sifatida tan olinadigan Universitetning belgilangan namunadagi diplomi beriladi.

Qarorga ko`ra, 2021/2022 o`quv yilidan Universitet O`zbekiston Milliy universitetining Jizzax filiali bilan hamkorlikda “Dasturiy injiniring”, “Farmasiya” va “Axborot tizimlari va texnologiyalari” ta`lim yo`nalishlari bo`yicha kadrlar tayyorlashni boshlaydi hamda mazkur yo`nalishlarda o`qishga qabul qilingan talabalar kelgusida o`qishlarini Filialda davom ettiradi.

2022 yil yakunigacha Filial tarkibida OpenLab ilmiy-tadqiqot laboratoriyasi tashkil etiladi.  

Sharhlar

Jizzaxda 22 yoshli yigit xotini va o`g`lini o`ldirib, yoqib yubordi (video)

12.11.2022, 00:20

Jizzax viloyatining G`allaorol tumanida 22 yoshli yigit ayolini xiyonatda ayblab, uni va 5 yoshli farzandini o`ldirdi. Bu haqda viloyat IIB axborot xizmati xabar qildi.Ma`lum bo`lishicha,...
Jizzaxda ichki ishlar xodimi YTHga uchrab halok bo`ldi. U nazorat-tekshiruv postiga tungi xizmatga ketayotgan bo`lgan (video)

12.10.2022, 12:03

Jizzaxda nazorat-tekshiruv postiga tungi xizmatga ketayotgan IIB xodimi avtohalokatga uchrab vafot etdi. Bu haqda "Zamon" dasturida xabar qilindi. Ma`lum qilinishicha, Jizzax viloyati Sharof Rashidov tumani "Uchtepa"...
Jizzaxda 39 yoshli erkak xotinini urib o`ldirdi (video)

07.09.2022, 12:07

Jizzaxda ayol o`z eri tomonidan o`ldirildi. Bu haqda viloyat IIB matbuot xizmati xabar bermoqda. Ma`lum qilinishicha, joriy yilning 2 sentyabr kuni Jizzax viloyati Zarbdor tumani Yangihayot...
Belbog`li kurash bo`yicha jahon chempionatiga Jizzaxda o`tkaziladi

18.11.2021, 00:06

24-27-noyabr kunlari Jizzax shahridagi “So`g`diyona” sport majmuasida O`zbekiston Respublikasi Prezidenti sovrini uchun belbog`li kurash bo`yicha ilk marotaba 2001-2003-yillarda tug`ilgan o`g`il bolalar va qizlar o`rtasida jahon...