Sevimli

Koronavirusga qarshi emlashga to`sqinlik qiluvchi holatlar ma`lum qilindi

Salomatlik 13.09.2021, 12:27
Teglar: koronavirus, emlash
Koronavirusga qarshi emlashga to`sqinlik qiluvchi holatlar ma`lum qilindi

Covid-19ga qarshi emlashga monelik qiluvchi holatlar nimalardan iborat?

Ushbu savolga Sanitariya-epidemiologik osoyishtalik va jamoat salomatligi xizmati bo`lim boshlig`i Dilorom TURSUNOVAdan javob berdi:

— Butun dunyoda koronavirus pandemiyasiga qarshi eng samarali chora vaksinasiya ekani so`zsiz tan olingan.  Shunga qaramasdan, emlash jarayonlarida xushyorlikni yo`qotmaslik, emlanuvchilar vaksina olishdan avval tegishli tibbiy ko`riklardan o`tishlari lozimligi bot-bot takrorlanmoqda.

 Yurtimizdagi emlash jarayonlarida sog`liqni saqlash sohasidagi xalqaro tashkilotlarning tegishli tavsiyalariga asosan fuqarolar tibbiy ko`rikdan o`tkazilib, emlashga monelik qiluvchi holatlar bo`lganda tegishli choralar ko`rilmoqda:  

Bunday holatlarga quyidagilar kiradi:

  • vaksinaning komponentlariga yuqori sezgirligi bo`lgan shaxslar;
  • anamnezida og`ir allergik reaksiyalari bo`lgan shaxslar;
  • o`tkir yuqumli va yuqumsiz xastaliklar bilan kasallanganlar; 
  • homilador va emizuvchi ayollar (vaksinaning ushbu kontingentga xavfsizligi to`g`risida ma`lumot etarli emasligi sababli);
  • 18 yoshgacha bo`lgan bolalar;
  • OIV infeksiyasiga chalingan shaxslar (vaksinaning ushbu kontingentga  xavfsizligi to`g`risidagi ma`lumot etarli bo`lmagani sababli);
  •  koronavirus infeksiyasining o`tkir shakli simptomlari bo`lgan bemorlar;
  • laboratoriyada “COVID-19”ga topshirilgan PZR tekshiruv testi musbat natija bergan shaxslar.

"COVID-19 infeksiyasini yuqtirgan kishi bilan aloqada bo`lgan odam tibbiyot muassasasida davolanayotgan bo`lsa, tuzalgandan keyin 3 oydan so`ng emlanishi maqsadga muvofiq. Emlashga bo`lgan barcha turdagi moneliklar emlash punktlarida ro`yxatga olinadi", — deydi shifokor.

Sharhlar

19 iyul kuni O`zbekistonda yana 70 kishida koronavirus aniqlandi — SSV

20.07.2022, 10:34

Kecha, 19 iyul kuni O`zbekistonda yana 70 nafardan ziyod kishida koronavirus aniqlandi, deya xabar bermoqda SSV matbuot xizmati. Shu bilan, 2022 yil 19 iyul holatiga ko`ra,...
Toshkentda koronavirusga ixtisoslashtirilgan maxsus poliklinikalar faoliyati qayta tashkil etiladi

24.06.2022, 22:27

Toshkent shahrida koronavirus infeksiyasi tarqalishining oldini olishga qarshi qo`shimcha chora-tadbirlar to`g`risida Toshkent shahar hokimi qarori imzolandi. Unga ko`ra, koronavirus infeksiyasi tarqalishining oldini olish, bemorlarga malakali tibbiy yordam...
O`zbekistonda koronavirusdan kasallanish ko`rsatkichi yana ortmoqda

23.06.2022, 11:11

2022 yil 22 iyun holatiga ko`ra, O`zbekistonda koronavirus infeksiyasi qayd etilganlar soni 239993 (+98) nafarni tashkil etmoqda. Bu haqda SSV matbuot xizmati xabar qildi. Yangi kasallanish...
Moskvada bolalar o`rtasida koronavirus yuqtirish holatlari oshgani ma`lum qilindi

27.01.2022, 01:11

Rossiya sog`liqni saqlash boshqarmasi bergan ma`lumotga ko`ra, Moskvada bolalar o`rtasida koronavirus yuqtirish holatlari oshgan. Bu haqda TASS xabar tarqatmoqda. Qayd etilishicha, ikki hafta ichida kasallanganlar soni...