Prezidentlikka nomzodlarning OAVda chiqish tartibi tasdiqlandi.
Bu haqda Markaziy saylov komissiyasining kotibi Xudoyor Mamatov ma`lum qildi.
Unga ko`ra, saylovoldi tashviqoti davrida O`zbekiston Respublikasi Prezidentligiga nomzodlarning ommaviy axborot vositalarida chiqishlari quyidagi tartibda amalga oshirilishi belgilanmoqda:
- Birinchi – O`zbekiston Ekologik partiyasidan O`zbekiston Respublikasi Prezidentligiga nomzod – Narzullo Naimovich OBLOMURADOV;
- ikkinchi – O`zbekiston Xalq demokratik partiyasidan O`zbekiston Respublikasi Prezidentligiga nomzod – Maksuda Azizovna VARISOVA;
- uchinchi – Tadbirkorlar va ishbilarmonlar harakati–O`zbekiston Liberal-demokratik partiyasidan O`zbekiston Respublikasi Prezidentligiga nomzod – Shavkat Miromonovich MIRZIYoEV;
- to`rtinchi – O`zbekiston “Milliy tiklanish” demokratik partiyasidan O`zbekiston Respublikasi Prezidentligiga nomzod – Alisher Keldievich QODIROV;
- beshinchi – O`zbekiston “Adolat” sosial-demokratik partiyasidan O`zbekiston Respublikasi Prezidentligiga nomzod – Bahrom Abdurahimovich ABDUHALIMOV.
