Sevimli

Ijarada yashovchi talabalar uchun muhim yangilik e`lon qilindi

Jamiyat 27.09.2021, 11:07
Теглар: Ijara, Talaba
Ijarada yashovchi talabalar uchun muhim yangilik e`lon qilindi

Talabalarga ijara to`lovining bir qismini qoplab berish tartibi belgilandi.

Hukumat Qarori bilan Davlat oliy ta`lim muassasalarining ijara huquqi asosida yashayotgan talabalariga oylik ijara to`lovining bir qismini Davlat byudjeti hisobidan qoplab berish tartibi to`g`risidagi nizom tasdiqlandi.

Unga ko`ra, ijara huquqi asosida yashaydigan talabalarning oylik ijara to`lovi bir qismini qoplab berish davlat soliq xizmati organlari tomonidan hisobga qo`yilgan ko`chmas mulk ijara shartnomasiga muvofiq ijara huquqi asosida yashaydigan ariza beruvchilarga nisbatan tatbiq etiladi.  

 Ro`yxatga olingan doimiy yashash joyi doirasida (tuman, shahar miqyosida) ariza beruvchilarga oylik ijara to`lovining bir qismini qoplab berish amalga oshirilmaydi.  

Bitta turar joyda ikki va undan ortiq talaba ijara huquqi asosida yashagan holatlarda ularning barchasi ijara shartnomasida qayd etilgan bo`lishlari shart.

 Mazkur tartib davlat OTMning faqat kunduzgi ta`lim shaklida o`qib, ijara huquqi asosida yashaydigan talabalariga nisbatan tatbiq etiladi.  

 Bunda ariza beruvchi tegishli ma`lumot yoki hujjatlarni o`zi ta`lim olayotgan fakultetning yoshlar bilan ishlash bo`limi dekan o`rinbosari yoki OTMning talabalarni turar joy bilan ta`minlash ishlarini muvofiqlashtiruvchi bo`limiga topshiradi.

Mas`ullar 1 hafta davomida ariza beruvchi ma`lumotlarining ijtimoiy mezonlarga muvofiqligini o`rganadi. So`ng ma`lumotlarni umumlashtirib, ko`rib chiqish va xulosa berish uchun navbatdagi haftaning birinchi kunida talabgorlarni tanlab olish komissiyasiga taqdim etadi.

Komissiya bir ish kunida talabgorlar to`g`risidagi ma`lumotlarni o`rganib chiqib, qaror qabul qiladi.

Shunga ko`ra, davlat OTM rektori (filial direktori)ning buyrug`i rasmiylashtirilib, arizalari qanoatlantirilgan talabgorlar to`g`risidagi tegishli ma`lumotlar va ularning ro`yxati to`lovlarni amalga oshirish uchun buxgalteriyaga taqdim etiladi.  

Arizasi ijobiy hal etilgan talabalar uchun ijara to`lovining bir qismi Davlat byudjeti mablag`lari hisobidan ular ariza bergan sanadan boshlab qoplab beriladi.

 Ijara to`lovining bir qismini qoplab berish:

➖ o`quv yili davomida (har yili 1 sentyabrdan 1 iyulgacha) yoki o`qitish dasturi bo`yicha o`quv yilining davomiyligiga qarab belgilanadi;

➖ ariza beruvchi tomonidan har oyning 7-sanasigacha arizalar mas`ullarga taqdim etilganidan so`ng amalga oshiriladi.

 "Ushbu muddatlar tugagandan keyin berilgan arizalar ko`rib chiqilmaydi",–deyiladi xabarda.

Шарҳлар

2022 yildan boshlab "Mirzo Ulug`bek vorislari" respublika tanlovi o`tkaziladi

22.01.2022, 11:21

2022 yildan boshlab har yili «Mirzo Ulug`bek vorislari» respublika tanlovi o`tkaziladi.Tanlovni o`tkazishda:I bosqich fevral-mart oylarida tuman (shahar)larda o`tkaziladi va unda eng yuqori natijaga erishgan har...
Talabalarga temir yo`l chiptalari uchun 50 foizli chegirma beriladi

25.12.2021, 21:07

Talaba va o`quvchilarga qo`shimcha imkoniyat va qulaylik yaratish maqsadida, xususan, talabalarni doimiy yashash joylariga borish va qaytishi uchun ichki temiryo`l va aviaqatnovlarga chiptalarni maxsus 50...
Oliy ta`lim vazirligi talabalarga yana bir xushxabarni e`lon qildi

16.12.2021, 08:37

Avvalroq talabalar kontrakt pulini to`lash muddati uzaytirilgani haqida ma`lum qilgan edik. Unga ko`ra, to`lov-kontrakt mablag`larini to`lash 2021 yilning 31 dekabriga qadar mumkin etib qo`yildi.Shuningdek, Oliy...
Talabalar saylovda qatnashish uchun uylariga qaytadimi?

14.09.2021, 10:19

Endilikda yashash hududidan olisda tahsil olayotgan talabalar saylovda ovoz berishi uchun doimiy yashash joyidagi saylov uchastkasiga borishlari shart emas.Markaziy saylov komissiyasi tomonidan joriy yilda bo`lib o`tadigan...