Hisob palatasi 2022 yil uchun davlat byudjeti yuzasidan o`z xulosasini e`lon qildi. Unda kelgusi yil uchun kutilayotgan soliq-byudjet siyosatining asosiy o`zgarishlari aks etgan.
Unga ko`ra, kelgusi yilda energiya resurslari, jumladan, elektr energiyasi va tabiiy gazni ichki iste`molchilarga sotish narxi oshishi kutilmoqda. Shuningdek, 2022 yil davomida 1 AQSh dollarining o`rtacha yillik summasi 11 321 so`m bo`lishi prognoz qilingan. Soliqlarda ham qator o`zgarishlar ko`zda tutilmoqda.
Ma`lumot uchun: Xulosa birlamchi byudjet hujjatiga berilgan. Hozirda takomillashtirilayotgan byudjetnoma mazkur loyihadan farqlanishi mumkin.
