Osiyo futbol konfederasiyasi 2022 yilgi Osiyo Chempionlar Ligasiga yo`llanma olgan barcha jamoalar nomini ma`lum qildi.
OFK Chempionlar Ligasidagi ishtirokini pley-offdan boshlaydigan Qarshining «Nasaf» jamoasi guruh bosqichiga chiqish uchun BAAning «Baniyas» klubi bilan bahs olib boradi. «Ajdarlar» saralash uchrashuvini 15 martda raqib jamoa maydonida o`tkazishadi.
Eslatib o`tamiz, Amirlik klubini enggan taqdirda, Ro`ziqul Berdiev shogirdlari OChL guruh bosqichiga yo`l olishadi. Shu orqali «So`g`diyona» OFK Kubogida ishtirok etish imkoniyatiga ega bo`ladi. Aks holda, «Nasaf»ning o`zi OFK Kubogida ishtirokini boshlaydi va Jizzax klubi xalqaro maydonsiz qoladi.
