Gulnora va Lola Karimovalarning qizlari Imon va Maryam 8 yil deganda Toshkentda diydor ko`rishdi, deya yozmoqda "Zamon" nashri.
Ma`lum qilinishicha, Gulnora Karimovaning qizi Imon Karimova 16 yanvar kuni o`zining "Instagram"dagi sahifasida joylagan suratlarning birida Lola Karimovaning to`ng`ich farzandi Maryam bilan Islom Karimovning qabriga gullar qo`ygani aks etgan. Surat ostidagi izohda esa Samarqand va bobosi haqida xotiralarini yozib qoldirgan:
“Samarqand men uchun muhim shahar. Unda tarix, madaniyat, san`at, qadriyatlar mujassam. Uzoq muddatdan so`ng ilk bor bu erga kelganimdan so`ng men Samarqandning faqat o`zigagina xos bo`lgan muhitini sevib qoldim. Bobom har doim bu go`zal shahar haqida va o`zi ulg`aygan joylar: har kuni Registon orqali maktabga borgan erlari haqida gapirardi. U bilardi va bilganlarini ulashishni yoqtirardi, eng muhimi esa uni tinglash doim qiziq bo`lgan. Har gal O`zbekistonga kelganimda bu erga qaytaman. Bu erda men o`zimni hotirjam his qilaman”, – deydi Imon Karimova.
Maryam Tillaeva ham o`zining "Instagram"dagi sahifasida shu suratni joylab, bobosining qabrini ilk bor ziyorat qilayotganini, buni anchadan beri niyat qilganini yozib qoldirgan.
