Davlat statistika qo`mitasi ma`lumotlariga ko`ra, 2022 yilning yanvar oyida iste`mol sektoridagi tovarlar va xizmatlar o`rtacha 0,9 % ga qimmatlashdi.
Yillik o`sishda iste`mol narxlari indeksining o`sish darajasi 9,8 % ga etdi.
2022 yilning yanvar oyida narxlar va tariflar o`sishida etakchi o`rinlarni oziq-ovqat mahsulotlari egallab, narxlari o`rtacha 1,3 foizga oshdi. Shu davrda nooziq-ovqat tovarlari 0,5 foizga, aholiga pullik xizmatlar 0,7 foizga oshdi.
2022 yil yanvar oyida an`anaviy ravishda meva-sabzavot mahsulotlari oylik narxlarning oshishida etakchilik qildi. Mevalar narxi 2021 yil oxiriga nisbatan 3,1 foizga, sabzavotlar 5,8 foizga qimmatlashdi. Go`sht mahsulotlari, aksincha, oy davomida biroz arzonlashdi (0,4 foiz).
