"Goal" nashri xabar berishicha, voqea 16 mart kuni kechqurun sodir bo‘lgan. Yuzlarini niqob bilan yopgan va qurollangan olti nafir noma’lum shaxs futbolchining uyiga deraza panjaralarini sindirib kirgan.
Jinoyatchilar Nil El Aynaui, uning onasi, akasi, hamrohi va qiz do‘stini bir xonaga qamab qo‘yib, uyni tintuv qilgan. Ular taxminan 10 ming evro qiyomatidagi zargarlik buyumlari, Rolex soati va dizayner sumkalarini o‘g‘irlab ketgan.
Hodisadan so‘ng bosqinchilar qochib ketgan. Voqea joyiga yetib kelgan politsiya tergov ishlarini boshlagan. Dastlabki ma’lumotlarga ko‘ra, hech kim jabrlanmagan, biroq jabrlanuvchilar ruhiy zarba olgan.
Tergovchilar jinoyatchilar futbolchining uyda ekanidan oldindan xabardor bo‘lgan bo‘lishi mumkinligini ham o‘rganmoqda.
Eslatib o‘tamiz, avvalroq "Manchester Siti" himoyachisi Ruben Diasning uyi ham o‘yin vaqtida talon-toroj qilingandi.
