Fransiya termasining mundialdagi ishtiroki uchun beriladigan moliyaviy rag`batlantirish miqdori oshkor bo`ldi. Fransiyaning "RMC Sport" nashri bunga aniqlik kiritgan.
Fransiyaliklar Jahon chempionati finalidagi ishtirok uchun tashkilotchilar tomonidan 29 million evro bilan taqdirlandi. Agar Fransiya terma jamoasi chempion bo`lganida, 41 million evro ishlab olardi.
Fransiya futbol federasiyasi moliyaviy rag`batlantirishning 30 foiz miqdorini futbolchilar, murrabiylar va boshqa xodimlarga ajratib bergan. Hisob-kitoblarga ko`ra, terma jamoaning har bir a`zosi 288 ming evroga ega bo`lgan. Qolgan 70 foiz yutuq pullari federasiya g`aznasida qolgan.
Fransiya futbol federasiyasining ma`lum qilishicha, qolgan pullar Fransiyada havaskorlar futbolini rivojlantirishga yo`naltiriladi.
Eslatib o`tamiz, final uchrashuvida Fransiya terma jamoasi Argentinaga qarshi bahs olib bordi va o`yindan keyingi penaltilar seriyasida (4:3 hisobida) mag`lubiyatga uchradi.
