Ijtimoiy tarmoqlarda go`yoki maktab o`quvchilarini o`g`irlashmoqchi bo`lishayotganligi haqida video xabarlar tarqalmoqda.
Mazkur video tarqalidan so`ng, bolalarning yaqinlari deb aytilgan audio ham tarqaldi.
Holat bo`yicha IIV o`rganish natijalarini e`lon qildi. O`tkazilgan tekshiruv jarayonida aniqlanishicha joriy yilning 1 fevral kuni Shayxontohur tumanida 113-sonli maktabning 11-sinf o`quvchisi F.N. boshqaruvidagi avtomashinaga 132-sonli maktab o`quvchilari G.B, S.N. lar erdagi muz bo`lagini tepgan.
Shundan so`ng 11-sinf o`quvchilari muz bo`lagini tepgan bolalarni ichki ishlarga olib boramiz deb ularni og`zaki qo`rqitishgan. Bolalar boshqa bunday qilmasligini aytib uyiga ketishgan.
Hozirgi vaqtda bolalar sog`-salomat ota-onasi bag`rida.
Avtomashinani boshqarish huquqi bo`lmagan maktab o`quvchilarining ota-onasi bilan birga huquqbuzarlikka yo`l qo`ymaslik yuzasidan profilaktik suhbat o`tkazilgan, deyiladi IIV Axborot xizmati rahbari Shoxruh G`iyosov taqdim etgan ma`lumotda.
