Davlat aktivlarini boshqarish agentligi Navoiy viloyati Konimex tumanida joylashgan “Qizilqum Fosforit Kompleksi” MChJ ustav kapitalidagi 100 foiz davlat ulushini xususiylashtirish jarayonini boshladi.
Talabgorlar o`z arizalarini 2023 yil 5 may 18:00ga (Toshkent vaqti bilan) qadar Davaktiv saytida ko`rsatilgan elektron manzillarga yuborishlari lozim.
Ariza quyidagi ma`lumotlarni o`z ichiga oladi:
- ishtirokchi to`g`risida qisqacha ma`lumot (shu jumladan, STIR va faoliyat turi);
- ishtirokchi ustav kapitalida 5 foizdan ortiq ulushi mavjud aksiyadorlar/ta`sischilar (egalik ulushi ko`rsatilgan holda) va yakuniy benefisiarlar to`g`risida ma`lumotlar;
- moliyaviy hisobot (oxirgi 3 yilgi faoliyati bo`yicha).
Aktiv to`g`risida qisqacha ma`lumot:
“Qizilqum Fosforit Kompleksi» MChJ – fosforit konsentrati va fosfor uni ishlab chiqaruvchi korxona hisoblanadi. Fosforit konsentrati ishlab chiqarish sexi 1998-yilda tashkil etilgan bo`lib, Jeroy-Sardarin koni (Toshqo`ra rudnigi) negizida flyurapatit turidagi donali fosforit rudasini qayta ishlab, boyitishga mo`ljallangan. Ishlab chiqarish quvvati yiliga - 716 ming tonna.
