Prezident Shavkat Mirziyoyev Rossiya O‘zbekiston uchun mintaqadagi shunchaki qo‘shni emas, balki vaqt sinovidan o‘tgan strategik sherik va ittifoqchi ekanini ta’kidladi.
Davlat rahbari so‘nggi o‘n yilda ikki davlat o‘rtasidagi tovar ayirboshlash hajmi 4 milliard dollardan 13 milliard dollargacha oshganini ma’lum qildi.
Shuningdek, Rossiya bilan hamkorlikdagi loyihalar portfeli 50 milliard dollardan ortiqni tashkil etishi, hududlararo loyihalar qiymati esa 5 milliard dollarga yetgani va yana shuncha miqdordagi investitsiya paketi tayyorlanayotgani qayd etildi.
