Sevimli

Rossiyalik ayol omadsiz plastik jarrohlik tufayli o`zi va 8 yoshli o`g`lining joniga qasd qildi

Dunyo 21.10.2016, 12:31
Teglar: Fojia, Rossiya, Ona va bola
Rossiyalik ayol  omadsiz plastik jarrohlik tufayli o`zi va 8 yoshli o`g`lining joniga qasd qildi

Rossiyaning Omsk shahrida dahshatli hodisa yuz berdi. 33 yoshli Anna o`z joniga qasd qildi. U o`zi bilan birga 8 yoshli o`g`lining ham o`limiga sabab bo`ldi. Bu haqda “Cosmo.ru” xabar bermoqda.  

Anna ko`p qavatli uyning 9 qavatidan qo`lida uxlayotgan 8 yoshli o`g`li bilan birga sakragan. 

Annaning tanishlari hozirga qadar yuz bergan hodisadan o`ziga kelolmayapti. Marhumaning hayoti xavas qilgulik darajada edi: Uning sevimli turmush o`rtog`i, farzandi bor edi. Biroq, keyinchalik ma`lum bo`lishicha, er-xotinlarning munosabatlari so`nggi paytlarda sovigan edi. Ular 2 yildan beri alohida yashayotgan edi. Bu yil ajrashishga qaror qilishgan edi. 

Omsk viloyati tergov boshqarmasining ma`lumot berishicha, Anna o`z joniga qasd qilishi sabablarini yozib, xat qoldirgan. U eri bilan ajrashish jarayonini boshdan kechirayotgan edi. 

Anna bundan avval ham bir necha marta joniga qasd qilishga uringan. Bunga sabab esa burnini to`g`irlash bo`yicha omadsiz o`tkazilgan jarrohlik amaliyoti bo`lgan. O`shanda uni na ota-onasi, na eri, bir so`z bilan aytganda hech kim qo`llab-quvvatlamagan edi. Aksincha, ular vaziyatni yanada chuqurlashtirishdi. Annani psixonevrologik dispanserdan ro`yxatdan o`tishga majburlashdi. 

 “Annani o`z joniga qasd qilish darajasigacha olib borishdi. Shunga majbur qilishdi”,—deydi marhumaning dugonasi. 

Anna biroz avval onalik huquqidan mahrum etilgan edi. Mazkur holat ham unga qattiq ta`sir ko`rsatgan. O`limidan oldin yozgan xatida u barcha yaqinlariga murojaat qildi va “Mana shu dard bilan yashang!” degan alamli ta`nani yozib qoldirdi.

Sharhlar

Rossiya Ukraina bilan muzokara o`tkazishga tayyor emas — AQSh davlat departamenti

21.07.2022, 10:10

Rossiyaning Ukraina bilan muzokara o`tkazishga tayyorligi to`g`risida belgilar yo`q. Bu haqda AQSh davlat departamenti matbuot kotibi Ned Prays ma`lum qildi, deya yozdi "Zamon.uz".“Hozircha biz ularning real diplomatiyaga o`tish bo`yicha hech...
Vengriya Rossiyaga qarshi sanksiya joriy etishni to`xtatishga chaqirdi

24.06.2022, 15:24

Rossiyaga qarshi sanksiyalar joriy etishni to`xtatish kerak. Bu haqda Vengriya bosh vazirining siyosiy masalalar bo`yicha maslahatchisi Balaj Orban ma`lum qildi, deya yozmoqda "Zamon" nashri“Oxir-oqibatda ushbu nizoda Evropa iqtisodiy muammolar tufayli mag`lub ...
Aktrisa va “Podari jizn” jamg`armasi asoschisi Cho`lpon Xamatova Rossiyani tark etdi

21.03.2022, 12:38

Taniqli rus aktrisasi Cho`lpon Xamatova Rossiyani tark etdi. Bu haqda “Regnum” xabar berdi, deya yozmoqda "Zamon" nashri.Aktrisa Rossiyani oilasi bilan tark etgan. U Latviyaga borgani aytilmoqda, bu erda Xamatovaning uyi bor....
Shavkat Mirziyoev Putinning taklifiga binoan Rossiyaga jo`nab ketdi

19.11.2021, 08:51

O`zbekiston Respublikasi Prezidenti Shavkat Mirziyoev Rossiya Federasiyasi Prezidenti Vladimir Putinning taklifiga binoan Rossiyaga jo`nab ketdi.Bu haqda uning matbuot kotibi xabar berdi. Qayd etilishicha, Oliy darajadagi muzokaralar...