Butunjahon taekvondo assosiasiyasi 3 dekabr kuni yangilangan reytingni e`lon qildi.
Reytingga ko`ra, hamyurtlarimiz Ulug`bek Rashitov (-68 kg) va Svetlana Osipova (+67 kg) lisenziya qo`lga kiritishdi.
Ulug`bek Rashitov o`z vaznida 1-o`rinni egallab turgan bo`lsa, Svetlana Osipova 7-o`rinni band etdi. Ushbu vaznda ikki nafar Turkiya, ikki nafar Britaniya vakilasi bo`lgani uchun Osipova beshinchi lisenziya sohibasiga aylandi.
Ma`lumot uchun, Olimpiadada bitta vazn toifasida bir mamlakatdan bir nafar sportchi ishtirok etishi mumkin.
Ma`lumot uchun, o`zbekistonlik sportchilarda hali Yakuniy "Katta dubulg`a" musobaqasi, shuningdek 2024 yilgi Osiyo lisenzion turnirlarida Parij Olimpiadasi uchun lisenziyalar qo`lga kiritish imkoniyati bor.
Eslatib o`tamiz, O`zbekiston sport delegasiyasining Parij Olimpiadasi uchun lisenziyalari soni 17 taga etdi.
