"Apple" da`vo arizasi qanoatlantirilgan har bir mijoz uchun 97,12 dollar miqdorida tovon puli to`laydi:
“Apple” AQShlik mijozlarining kompaniyaga qarshi da`vo arizasi sababli ularga tovon puli to`lashni boshlaydi, deya xabar bermoqda Zamon.uz.
“Apple” kompensasiya to`lovlarining umumiy miqdori advokatlik to`lovlarini hisobga olgan holda 310 million dollardan 500 million dollargacha bo`ladi.
Da`vo arizasida aytilishicha, har bir mijoz uchun to`lov da`vogarlar soniga qarab 25 dollardan 500 dollargacha bo`lishi mumkin. Natijada, taqdim etilgan arizalarni tahlil qilib, “Apple” 97,12 dollar miqdorida kelishib oldi.
“Apple”ga qarshi jamoaviy da`vo 2017 yilda qo`zg`atilgan. O`shanda kompaniya iOS eski iPhone modellarini sekinlashtirganini tan olgan edi.
Kompaniya o`z harakatlari uchun uzr so`radi va qurilma egalariga yangi batareyalarni taklif qildi.
Shu bilan birga, kompaniyan sekinlashuv go`yoki ma`lum vazifalarni bajarayotganda smartfonlarning kutilmaganda o`chib qolishini oldini olish uchun zaruriy chora ekanligini aytdi.
“Apple” iOS 10.2.1 da quvvatni boshqarishning yangi tizimini chiqardi, biroq dastlab yangilanishning relizlar eslatmalarida o`zgarishlar haqida gapirmadi.
Keyin “Apple” dasturiy ta`minotni chiqarishda shaffoflik yo`qligi uchun uzr so`radi va 2018 yilda iPhone batareyasini almashtirish narxini vaqtincha 29 dollargacha pasaytirdi.
2020 yilda tomonlar kelishuvga erishgan. Umumiy yig`ilishda 3 mlnga yaqin da`vogar ishtirok etdi. Uch yil davomida da`vogarlar va «Apple» kompensasiya miqdori bo`yicha kelishib oldilar.
To`lovlar 2020 yil 6 oktyabrgacha sudga qo`shilgan iPhone 6, iPhone 6 Plus, iPhone 6s, iPhone 6s Plus, iPhone 7, iPhone 7 Plus yoki iPhone SE ning amerikalik egalari tomonidan olinadi.
Hisob-kitobda belgilangan vaqt jadvaliga asoslanib, “Apple” 2024 yil yanvar oyidan boshlab katta to`lovlarni amalga oshirishni boshlashi kutilgan edi.
Da`voni hal qilish uchun yaratilgan veb-sayt ma`muriyati zarar ko`rgan mijozlardan sabrli bo`lishni va “Apple”dan to`lovlarni kutishni so`raydi.
