Ijtimoiy tarmoqlarda bir nechta fuqarolar ichki ishlar organlari xodimlariga qarshilik ko`rsatayotganligini aks etgan video tarqalib, turli muhokamalarga sabab bo`lmoqda. Toshkent shahar IIBB axborot xizmati holat bo`yicha rasmiy munosabat berdi.
Qayd etilishicha, j oriy yilning 22 fevral kuni taxminan soat 23.30 larda Yunusobod tumanida joylashgan tungi klublardan birining oldida, 5 nafar (1991 y.t. B.X., 1992 y.t. N.Yo., 1991 y.t. Sh.J., 1974 y.t. M.I. va 1992 y.t. Sh.O.) shaxslar jamiyatda yurish-turish qoidalarini qasddan mensimay, jamoat joyida mast holatda baqir-chaqir qilishib, fuqarolarning osoyishtaligini buzishgan. Hodisa joyiga mazkur hududga jalb qilingan PPX xodimlari etib kelib, ushbu fuqarolarni tinchlantirib, vaziyatga oydinlik kiritish maqsadida tuman IIO FMBga borishlarini taklif qilishgan. Biroq, fuqarolar IIO xodimlarining qonuniy talablarini bajarmay, ularga faol qarshilik ko`rsatishgan. Natijada PPX inspektori D.Tolipov jarohat olgan.
Mazkur holat yuzasidan to`plangan hujjatlar Yunusobod tumani prokuraturasiga taqdim etilgan bo`lib, tergovga qadar tekshiruv yakuni bo`yicha qonuniy qaror qabul qilinishi ta`minlanadi.
