27 may kuni Ko`ksaroy qarorgohida mamlakatimizga davlat tashrifini amalga oshirayotgan Rossiya Federasiyasi Prezidenti Vladimir Putinni tantanali kutib olish marosimi bo`lib o`tdi. Bu haqda Prezident matbuot xizmati xabar berdi.
Qarorgoh oldidagi maydonda ikki mamlakat davlat bayroqlari ko`tarildi va faxriy qorovul saf tortdi.
O`zbekiston Respublikasi Prezidenti Shavkat Mirziyoev oliy martabali mehmonni samimiy qarshi olib, shohsupaga taklif qildi. Davlat madhiyalari yangradi. Harbiy orkestr sadolari ostida etakchilar faxriy qorovul safi oldidan o`tib, rasmiy delegasiyalar a`zolarini qutladilar.
Birgalikda suratga tushilgandan so`ng, davlat rahbarlarining tor doiradagi muzokaralari boshlandi.
