Toshkent shahar IIBB Bektemir tumanida elektrobus va engil mashina haydovchilari o`rtasida sodir bo`lgan janjal yuzasidan ma`lumot berdi.
Ma`lum qilinishicha, 16 iyun kuni soat 15.30 larda Bektemir tumanidagi Husayn Boyqaro shohko`chasida 35 yoshli elektrobus haydovchisi Sh.Sh. va Nexia-2 haydovchisi R.I. hamda “Zaz-1102” haydovchisi F.Z. o`rtasida o`zaro janjal yuzaga kelgan.
Janjal avtobus bekatda to`xtagan vaqtida ortidan yuqorida qayd etilgan ikkita engil avtomashina to`qnashgani sabab yuzaga kelgan.
Mazkur holat yuzasidan Bektemir tumani IIO FMB tomonidan tergovga qadar tekshiruv o`tkazilmoqda. “Natijasi bo`yicha qonuniy qaror qabul qilinishi ta`minlanadi”, — deyiladi xabarda.