Dilan Chitak politsiya nazoratini chetlab o‘tib, avtomashinasini huquq-tartibot xodimlari tomon haydagani ma’lum qilindi
Turkiya shou-biznesida navbatdagi shov-shuv. Mashhur qo‘shiqchi Ibrohim Totlisasning qizi, xonanda Dilan Chitak politsiyaga nisbatan qilgan harakati bilan keng jamoatchilikning qattiq tanqidiga uchradi.
Istanbuldan Bodrumga safar qilgan Chitak Bodrumdagi Konojik Atatyurk bulvarida politsiya nazoratini chetlab o‘tib, avtomashinasini huquq-tartibot xodimlari tomon haydagani ma’lum qilindi. Bu voqea katta shov-shuvga aylandi.
Guvohlarning aytishicha, Dilan Chitak politsiyaning “to‘xta” degan buyrug‘ini inkor etib, harakatini davom ettirgan va hatto mashinasini politsiyaning ustiga haydagan. Bu harakatga javoban politsiya xodimlari havoga ogohlantiruvchi o‘q uzishga majbur bo‘lgan.
Keyinchalik, Chitak avtomashinasini tashlab, boshqa mashinaga o‘tirgan, biroz vaqtdan so‘ng esa yana o‘z mashinasiga qaytib, eshiklarni berkitib olgan. Oxir-oqibat, Dilan Chitak eshikni ochgan va u qo‘lga olingan.
Qo‘lga olish jarayonida Chitak: “Men Ibrohim Totlisassning qiziman! Meni mashhur bo‘lganim uchun shunday qilayapsizlar!” degan so‘zlari bilan politsiyaga qarshi chiqqan. Uning bu so‘zlari ijtimoiy tarmoqlarda keng muhokamaga sabab bo‘lgan
Dilan Chitakning inkor bayonotiga birinchi bo‘lib uning akasi Ido Tanliqses javob berdi. U turkiyalik jurnalist Izzat Chapaning tanqidiy postiga layk bosish orqali munosabat bildirdi.
