Futbol bo‘yicha 2026 yilgi jahon chempionatining guruh bosqichida navbatdagi uchrashuvlar yakuniga etdi. Kunning markaziy bahslaridan birida Angliya terma jamoasi Gana to‘sig‘idan o‘ta olmadi.
L guruhidan o‘rin olgan bahsda inglizlar Gana darvozasiga yo‘l topa olmay, 0:0 hisobida durang o‘ynadi. Guruhning ikkinchi uchrashuvida esa Xorvatiya Panamani 1:0 hisobida mag‘lub etdi. Yagona golni uchrashuvning 54-daqiqasida Ante Budimir kiritdi. Mazkur natijadan so‘ng Panama terma jamoasining pley-off bosqichiga chiqish imkoniyati qolmadi.
K guruhida Portugaliya O‘zbekiston terma jamoasini yirik hisobda mag‘lub etdi. Uchrashuv 5:0 hisobida yakunlandi.
Portugaliya safida Krishtianu Ronaldu 6 va 39-daqiqalarda dubl qayd etgan bo‘lsa, Nuno Mendesh 17-daqiqada hisobni yiriklashtirdi. Shuningdek, 60-daqiqada O‘zbekiston darvozaboni O‘tkir Yusupov o‘rniga maydonga tushgan Ne‘matovning avtogoli qayd etildi. Uchrashuvga nuqtani Rafael Leau 87-daqiqada qo‘ydi.
Guruhning ikkinchi bahsida esa Kolumbiya Kongo Demokratik Respublikasi ustidan minimal hisobda g‘alaba qozondi. Uchrashuvdagi yagona golga 76-daqiqada Daniel Munos mualliflik qildi.
Bugun, 24 iyun kuni V guruhida Shveytsariya – Kanada hamda Bosniya va Gersegovina – Qatar uchrashuvlari bo‘lib o‘tadi.
Shuningdek, S guruhida Marokash Gaiti bilan bahs olib borsa, Braziliya Shotlandiyaga qarshi maydonga tushadi.
A guruhida esa Janubiy Afrika Respublikasi Janubiy Koreya bilan, Chexiya esa Meksika bilan kuch sinashadi.
