Футбол бўйича 2026 йилги жаҳон чемпионатининг гуруҳ босқичида навбатдаги учрашувлар якунига етди. Куннинг марказий баҳсларидан бирида Англия терма жамоаси Гана тўсиғидан ўта олмади.
L гуруҳидан ўрин олган баҳсда инглизлар Гана дарвозасига йўл топа олмай, 0:0 ҳисобида дуранг ўйнади. Гуруҳнинг иккинчи учрашувида эса Хорватия Панамани 1:0 ҳисобида мағлуб этди. Ягона голни учрашувнинг 54-дақиқасида Анте Будимир киритди. Мазкур натижадан сўнг Панама терма жамоасининг плей-офф босқичига чиқиш имконияти қолмади.
К гуруҳида Португалия Ўзбекистон терма жамоасини йирик ҳисобда мағлуб этди. Учрашув 5:0 ҳисобида якунланди.
Португалия сафида Криштиану Роналду 6 ва 39-дақиқаларда дубль қайд этган бўлса, Нуно Мендеш 17-дақиқада ҳисобни йириклаштирди. Шунингдек, 60-дақиқада Ўзбекистон дарвозабони Ўткир Юсупов ўрнига майдонга тушган Неъматовнинг автоголи қайд этилди. Учрашувга нуқтани Рафаэл Леау 87-дақиқада қўйди.
Гуруҳнинг иккинчи баҳсида эса Колумбия Конго Демократик Республикаси устидан минимал ҳисобда ғалаба қозонди. Учрашувдаги ягона голга 76-дақиқада Даниэль Мунос муаллифлик қилди.
Бугун, 24 июнь куни В гуруҳида Швейцария – Канада ҳамда Босния ва Герцеговина – Қатар учрашувлари бўлиб ўтади.
Шунингдек, С гуруҳида Марокаш Ҳаити билан баҳс олиб борса, Бразилия Шотландияга қарши майдонга тушади.
А гуруҳида эса Жанубий Африка Республикаси Жанубий Корея билан, Чехия эса Мексика билан куч синашади.
