Jahon chempionatining navbatdagi bahslari yakunlandi va bir nechta terma jamoalarning keyingi taqdiri ma’lum bo‘ldi.
Bosniya va Gersegovina Qatarni 3:1 hisobida mag‘lub etib, mezbomlarning musobaqadagi so‘nggi umidlariga ham chek qo‘ydi.
Shvetsariya Kanada ustidan 2:1 hisobida g‘alaba qozonib, guruhni birinchi o‘rinda yakunladi hamda pley-off yo‘llanmasini qo‘lga kiritdi.
Braziliya esa Shotlandiyaga hech qanday imkoniyat qoldirmadi — 3:0. Pentakampeonlar yana bir bor chempionlik uchun asosiy da’vogarlardan biri ekanini isbotladi.
Marokash va Gaiti o‘rtasidagi sermahsul bahsda afrikaliklar 4:2 hisobida zafar quchdi. Uchrashuvda jami oltita gol urildi.
Meksika Chexiyani 3:0 hisobida mag‘lub etib, guruhdagi yetakchiligini saqlab qoldi.
Janubiy Afrika Respublikasi esa Janubiy Koreya ustidan 1:0 hisobida g‘alaba qozonib, pley-off yo‘llanmasini rasman qo‘lga kiritdi.
Shu tariqa, Qatar va Gaiti mundial bilan xayrlashdi. Guruh bosqichidagi kurash esa tobora qizg‘in tus olmoqda.
