Samarqand viloyatida tarbiyachining bolaga nisbatan zo‘ravonlik qilgani aks etgan video tarqaldi. Holat yuzasidan mutasaddi idoralar munosabat bildirdi.
Ma’lum qilinishicha, voqea “Madina Ko‘zmunchoq” xususiy bolalar bog‘chasida sodir bo‘lgan. Joriy yilning 20 aprel kuni o‘rta guruh tarbiyachisi tarbiyalanuvchi bolaning boshiga bir necha marta urgan.
Bog‘cha rahbariyati qaroriga ko‘ra, 23 aprel kuni ushbu tarbiyachi bilan tuzilgan mehnat shartnomasi bekor qilingan.
Hozirda holat yuzasidan huquq-tartibot idoralari tomonidan tekshiruv ishlari olib borilmoqda.
