«Bo`ynidan boylangan it ovga yaramas» degan maqol bor. Chindan ham, majburlab qilingan ish boshqayu istab qilingani boshqa. Inson sevgan kasbi bilan shug`ullangandagina o`sishi, rivojlanishi, biron yangi narsa yaratishi va hayotdan qoniqishi mumkin. Kasbingiz o`zingizga yoqadimi, undan lazzatlanasizmi? Yoki shunchaki majburlikdan bu ishda ishlayapsizmi? Test shuni aniqlashga yordam beradi.
1. Hozirgi ish o`rningizda qanchadan beri ishlayapsiz?
A) 12 oydan ortiq;
B) 3 yildan ortiq;
V) 10 yil (yoki undan ortiq);
G) bir necha oy.
2. Agar qo`shimcha ta`lim olinsa, ishda muvaffaqiyat qozonish oson kechadi, degan qarashni kasbingiz nuqtai nazaridan kelib chiqib baholang:
A) Yo`q, siz uchun hozirgacha egallagan ma`lumotingiz etarli;
B) Ha, shunday, chunki karera siz uchun juda muhim;
V) «Qo`shimcha ta`lim shiddat bilan rivojlanayotgan zamonda muvaffaqiyat kaliti».
G) «Hamma odamlar doim yangi bilimlarni o`rganib borishlari kerak».
D) Faqat aniq foyda kelishiga ko`zingiz etsa, qo`shimcha ta`lim olishga kirishishingiz mumkin.
3. Sizningcha hozirgi kunda sizning mehnatingiz etarlicha qadrlanyaptimi?
A) «Ha, ammo qancha to`lashsa ham, doim ozlik qilaveradi».
B) «Yo`q, ammo taqqoslash oson emas».
V) «Sarflayotgan kuchimga yarasha haq olyapman, menimcha».
G) «Maoshim katta bo`lmasa-da, kasbimni sevaman».
D) «Menga qancha haq to`lashsa, shunga yarasha ishlayman».
4. Ishga ketayotganingizdagi ko`pincha qanday kayfiyatda bo`lasiz?
A) Yurak urishingiz tezlashadi, arterial bosimingiz ortadi, engil ko`ngil aynishi paydo bo`ladi.
B) Hammasi rejadagidek ketayotganiga ishonasiz.
V) Har kuni pensiyagacha qancha qoganini hisoblaysiz.
G) Atrofdagilarga qobiliyatlaringizni namoyish etishga sabringiz etmaydi, shoshilibgina yo`lga otlanasiz.
D) «Bekor o`tirgandan ko`ra yaxshi-da», degan o`y bilan yo`lga chiqasiz.
5. O`z professional muammolaringizni uydagilar bilan muhokama qilayotib...
A) Boshliq haqida hazillarni aytib berasiz.
B) Faqat foydali narsalarni gapirasiz.
V) Uyda umuman ish haqida gaplashmaysiz.
G) Faqat qiziqarli jihatlarga to`xtalasiz.
D) Bu haqda kam gaplashasiz, chunki qiziq emas.
6. Ta`tildasiz. Ish haqidagi fikrlaringiz…
A) Umuman ish haqida o`ylamaysiz.
B) Shu paytda diqqinafas idorada ishlab o`tirgan hamkasblaringizni o`ylab shukr qilasiz.
V) Ish haqida ko`p o`ylaysiz va tezroq ta`til tugashini kutasiz.
G) Ko`p o`ylamaysizu, vaqti-vaqti bilan hamkasblaringizni eslab qo`yasiz.
D) Hali ta`til tugashiga ancha borligini o`ylab quvonasiz.
7. Egallagan kasbingiz haqida bolalikda tasavvurga egamidingiz?
A) Bu haqda orzu ham qilmagansiz.
B) Doim shu kasbga intilgansiz va orzungiz amalga oshganidan xursandsiz.
V) Biroz hafsalangiz pir bo`lgan.
G) Avval o`ylamagansiz, qaerdadir ishlash kerakligi uchun shu erda ishlayapsiz.
8. Agar farzandlaringiz ham kasbingizni tanlashsa, siz…
A) Bu borada ular bilan bahslashmaysiz.
B) Agar ular sizdan yuqoriroq marralarni egallashlariga ko`zingiz etsa, rozi bo`lasiz.
V) Fikridan qaytarishga urinasiz.
G) Bolalaringiz hali juda yosh, shu sababli ularning kasb tanlash muammosi hozircha sizni o`ylantirmaydi;
D) Buni istamaysizu, ammo baribir shu kasbni tanlashsa, tajribangiz va tanish-bilishlaringiz bilan yordam berasiz.
9. Bolaligingizda kim bo`lishni orzu qilgansiz?
A) Kosmonavt: yangi sayyoralarga uchib borishni istardingiz.
B) Aktrisa: sizga olqishlar, gullar va mashhurlik yoqadi.
V) O`qituvchi: bolalarga faqat a`lo baholar qo`yishni istardingiz.
G) Model: bu juda qiziq.
D) Shifokor: stetoskop va oq xalatda yurishni yoqtirasiz.
10. Ishdan so`ng turmush o`rtog`ingiz bilan restoranga borishingiz kerak. Ammo ish tugay deganda boshliq shoshilinch vazifani bajarishni sizga topshirdi…
A) Eringizga qo`ng`iroq qilib, ziyofatni boshqa kunga ko`chirasiz.
B) Boshliq bilan urishib bo`lsa ham restoranga ketasiz.
V) Tadbirni boshqa kunga qoldirasiz, ammo o`zingizni baxtsiz his etasiz.
G) Ishni birinchi o`ringa qo`yasiz, eringiz sizni tushunishi kerak.
D) Biron bahona topib ishdan qochib qolasiz.
Natijani hisoblang:
|
№ |
1 |
2 |
3 |
4 |
5 |
6 |
7 |
8 |
9 |
10 |
|
A |
1 |
0 |
2 |
0 |
2 |
3 |
5 |
5 |
2 |
7 |
|
B |
2 |
2 |
1 |
4 |
1 |
2 |
3 |
4 |
2 |
5 |
|
V |
2 |
1 |
1 |
1 |
1 |
1 |
2 |
1 |
2 |
1 |
|
G |
1 |
4 |
2 |
2 |
2 |
3 |
1 |
2 |
3 |
2 |
|
D |
0 |
2 |
1 |
1 |
1 |
1 |
0 |
1 |
2 |
11 |
27—41 ball
Siz ham maishiy, ham kasbiy vaziyatlarga oson moslashasiz. O`sish va rivojlanish uchun doim imkon qidirasiz. Istalgan ish o`rnida o`zingizni qulay his etasiz, bajarayotgan ishingiz doim sizga qoniqish hissini beradi. Shu sababli birinchi duch kelgan ishga rozi bo`lib ketavermang, qobiliyatlaringizni qadrlang.
22—26 ball. Ishingizni yaxshi bajarasiz, ammo baribir undan qoniqmaysiz. Chunki sizning qobiliyatlaringiz hozir bajarayotgan ishingizdan balandroq, ya`ni siz ko`prog`iga qodirsiz. Vaziyatni o`zgartirish uchun biron muvaffaqiyat yordamga kelishi kerak, mayli juda kichik bo`lsa ham, ammo muvaffaqiyat. Shunda kayfiyatingiz ko`tarilib, yanada ilhomlanib ishlaysiz. Yana bir sabab bor: hamkasblaringiz bilan munosabatlaringiz yaxshi emas. Shu masala ustida ishlang, ular sizga halaqit bermasliklari uchun zarur choralarni ko`ring.
22 ball va undan kam. Afsuski, ishingiz sizga hech qanday qoniqish bermaydi, vaqtingiz asosan zerikish bilan o`tadi. Bu joyda ishlab o`zingizni namoyon etishingiz va rivojlanishingizga ko`zingiz etmaydi. Maslahatimiz, vaziyatni yaxshilab tahlil qiling, sabablarini aniqlang. O`ylab ko`ring, qaerda ishlasangiz, o`zingizni yaxshiroq namoyon etishingiz mumkin? O`zingizga ishonchingiz butkul so`nmay turib munosib kasb izlab toping. Balki u ham butunlay sizga mos kelmas, ammo har qanday yangi ish qiziqroq-da. U sizda yangi qobiliyatlarni ochishi mumkin.
ShAHINA tayyorladi.
