Tuzilishidan olmagao`xshagani uchun anorni qadimgi Gresiyada «donli olma» deb atashgan. Uning shifobaxsh xususiyatlari haqida qadimgi Hind manuskriptlarida ham yozilgan. Bu meva bugungi kunda ham sevib iste`mol qilinadi. Sahifamizda anorni to`g`ri tanlash qoidalari va foydali xususiyatlari haqida ma`lumot beramiz.
MEVASI
Gemoglobinni oshiradi
Anor qonni ko`paytiradi. Agar qonda gemoglobin miqdori kamayib ketgan bo`lsa, kuniga uch mahal, ovqatlanishdan yarim soat oldin, yarim stakan miqdorda anor sharbatini ichish tavsiya etiladi. Muolaja muddati: 2 oy.
Qon bosimi ko`tarilganda…
Anor mevasi donalari arterial bosimni tushiradi. Anorning yupqa pardasi quritilib, choyga solib ichilsa, asabni tinchlantiradi, havotirlik hissini yo`qotadi.
Gormonlar faolligini oshiradi…
Anor mevasi donalari tarkibida organizmdagi gormonal balansni tiklaydigan moylar mavjud. U ayniqsa hayz jarayoni og`riqli kechadigan, boshi og`riydigan, klimaks yoshidagi ayollar uchun juda foydali.
ShARBATI
Qandli diabetda…
Anor sharbati qandli diabetga chalingan insonlar uchun iste`mol qilish foydali bo`lgan sanoqli shirinliklardan biri. Maxsus ko`rsatmalar bo`lmagan taqdirda, bemor kuniga ovqatlanishdan oldin 60 tomchi achchiq anor sharbatini iste`mol qilishi lozim. Muolajaning uchinchi kunidanoq qondagi qand miqdori sezilarli darajada pasayadi.
Nurlanganda…
Radioaktiv izotoplar bilan ishlovchi yoki nurlanish darajasi yuqori bo`lgan hududlarda yashovchi aholi uchun anor sharbati nihoyatda foydali.
Shuningdek…
Anor sharbati ishtaha ochuvchi, peshob haydovchi, og`riq qoldiruvchi, yarani gazak oldirishdan saqlovchi xususiyatlarga ega. Yallig`lanishga qarshi samarali vosita. Shamollash, ichak kasalliklari va kamqonlikka qarshi davo sifatida foydalaniladi. Vitaminlarga boy bu mahsulotni silla qurishi, kamqonlik, yurak va qon tomirlari sklerozi, bronxial astma, angina kasalliklarida iste`mol qilish tavsiya etiladi. Shirin anorning sharbati yuqumli kasalliklar bilan xastalangan, jarrohlikni boshdan kechirgan, oshqozon ichak kasalliklari, bavosil bilan og`rigan bemorlar uchun nihoyatda foydali.
Mumkin emas!
Oshqozon pardasi yallig`langan, oshqozon shirasi kislotaliligi oshgan (gastritga chalingan) bemorlarga anor sharbatini ichish man etiladi!
Yodda tuting!
Anor sharbatini boshqa sharbatlar singari iste`mol qilishdan oldin suv bilan aralashtirish lozim. Sababi, u ichak devorlari va tishlar emaliga salbiy ta`sir ko`rsatadi.
PO`STLOG`I
Angina, stomatit, faringit yoki gingivitda…
Anor po`stlog`i qaynatmasi yoki sharbati yordamida og`iz bo`shlig`i va tomoqni chayish foydali.
Terida husnbuzar yoki yiringli toshmalar toshsa…
Salgina qovurib olingan anor po`stlog`ini maydalab, sariyog` yoki zaytun moyi bilan aralashtirib, yuz terisiga niqob tarzida surting. Niqobni muzlatkichda saqlash lozim, haftasiga 2 martadan ko`p ishlatish mumkin emas. Anorning quritib yanchilgan po`stlog`i yordamida kuygan, yorilgan va kesilgan joylarni µam davolash mumkin.
Unutmang!
Qaynatma, damlama tayyorlayotganda anor po`stlog`ini me`yorida sola bilish lozim. Aks holda, ko`rish qobiliyati sustlashishi, ko`ngil aynishi, qon bosimi oshishi yuzaga kelishi mumkin.
DILShODA tayyorladi
P/S: Reseptlarni qo`llashdan oldin albatta mutaxassis Bilan maslaµatlashing. Unutmang, µar bir organizm o`ziga xos.
Manba: “SUG‘DIYONA” gazetasi
