Bugun, 11 noyabr kuni Qatarning Doha shahrida 17 yoshgacha bo‘lgan futbolchilar o‘rtasida bo‘lib o‘tayotgan jahon chempionatida Islombek Ismoilov boshchiligidagi O‘zbekiston U-17 terma jamoasi J guruhidagi so‘nggi tur uchrashuvini o‘tkazdi.
O‘zbekiston o‘smirlar terma jamoasi Panama terma jamoasiga qarshi o‘yinda yirik 6:1 hisobida g‘alaba qozondi va muntialning 1/16 final bosqichiga yo‘l oldi.
Ushbu uchrashuvda kiritilgan gollarga Abubakir Shukurullayev, Sadriddin Hasanov, Sayfiddin Sodiqov, Jamshidbek Rustamov, Asilbek Aliyev, Abdusamad Saidov mualliflik qilishdi.
