Ultratovush tekshiruvi bolaga ziyon etkazadi.
YO`Q! Ko`cha-ko`yda bu tekshiruvning zararlari haqida ko`p va xo`p gap tarqalgan. Bu bo`lajak onalarni qo`rqitishdan boshqa narsa emas, aslida. Ularning birortasi ilmiy jihatdan isbotlanmagan. Biroq, homilaning holatini aniqlashda ultratovush tekshiruvining foydasi beqiyos.
Agar qorin dumaloq bo`lsa qiz, cho`zinchoq bo`lsa o`g`il tug`iladi.
TASODIF! homilador ayol qornining shakli mushaklar tonusiga, tos suyagining katta kichikligiga va boshqa ko`plab omillarga bog`liq. Biroq homilaning jinsiga emas. Bunday bashoratlar yo to`g`ri chiqadi, yoki yo`q. Ishonish ishonmaslik o`z ixtiyoringizda.
Homiladorlikda soch qirqtirish yoki bo`yash mumkin emas.
YO`Q va HA! Qadim zamonlarda kishining hayotiy quvvati sochlarda jamlanishiga ishonishgan. Bu irim o`sha zamonlarda tarqalgan bo`lsa, ajabmas. homiladorlikda sochlarni qirqishning bolaga hech qanday ta`siri bo`lmasligi isbotlandi. Ammo sochlarni bo`yash chindan ham tavsiya etilmaydi.
Bo`lajak ona ikki karra ko`p ovqatlanishi kerak.
YO`Q! homiladorlik ikki karra kalloriyali taomlar tanovul qilish xuquqini bermaydi. Aksincha, xamirli, sho`r, yog`li taomlardan tiyilib, vitaminlarga boy, tabiiy mahsulotlardan tanovul qilish fursati etganligini bildiradi.
homilador ayol oyoqlarini chalishtirib o`tirsa, bolaning oyoqlari qiyshiq bo`lib qoladi.
YO`Q! Ammo homilador ayol oyoqlarini chalishtirib o`tirishi to`g`ri emas. Bu odat go`dakning oyoqlariga emas, bo`lajak onaning qon aylanish tizimiga salbiy ta`sir ko`rsatadi.
Toksikoz og`ir kechsa qiz farzand dunyoga keladi...
YO`Q! Toksikoz belgilari (qusish, chanqoq, asabiylik) gormonal o`zgarishlar ta`sirida yuzaga keladi. Uni go`dakning jinsiga bog`lash noto`g`ri. Ammo egizak farzand kutayotgan onalarni toksikoz chindan ham ko`proq bezovta qilishi aniqlangan.
