Chet elda doimiy ishlaydigan O`zbekiston Respublikasi fuqarosining pasportining amal qilish muddati tugagan hollarda, pasportni rasmiylashtirish tartibi qanday bo`ladi?
Nazokat To`raeva, Xorazm viloyati
Tashqi mehnat migrasiyasi masalalari agentligi:
— Pasportning amal qilish muddati chet elda tugagan, u yaroqsizlangan yoki yo`qolgan hollarda, shuningdek qonun hujjatlarida nazarda tutilgan boshqa hollarda (familiyasi, ismi va otasining ismi, tug`ilgan sanasi o`zgargan, yozuvlarda noaniqliklar va xatolar aniqlangan, varaqlar ishlatib bo`lingan va boshqa hollarda) chet elda doimiy yashaydigan O`zbekiston Respublikasi fuqarosi yangi pasportni rasmiylashtirish uchun o`zi turgan mamlakatdagi O`zbekiston Respublikasining konsullik muassasasiga murojaat qiladi.
Agar fuqaro turgan mamlakatda O`zbekiston Respublikasining konsullik muassasasi bo`lmasa, fuqaro o`zi turgan mamlakat konsullik okrugiga kiradigan O`zbekiston Respublikasining konsullik muassasasiga murojaat kiladi.
