Arsenal Bornmutdan kutilmagan mag'lubiyatga uchrab, Manchester City Premier-liga chempionligi uchun imkoniyatni oshirib berdi.
Arsenal o'z maydonida Bornmutga 1:2 hisobida yutqazib qo'ydi. Bu natija chempionlik poygasida Manchester City uchun muhim imkoniyat yaratdi.
Uchrashuvda mehmonlar safida Aleks Skott hal qiluvchi gol muallifi bo'ldi. U 74-daqiqadagi hujumni sovuqqonlik bilan yakunlab, jamoasiga g'alaba keltirdi.
Mag'lubiyatga qaramay, Arsenal hozircha peshqadamlikni saqlab turibdi — jamoa Manchester Citydan 9 ochko oldinda. Biroq Manchester klubida ikki o'yin zaxirada mavjud va bu chempionlik poygasida intrigani kuchaytirmoqda. Pep Gvardiola shogirdlari navbatdagi turda g'alaba qozonsa, farqni qisqartirishi mumkin.
Bu natija Arsenal uchun so'nggi to'qqizta liga o'yinidan keyingi ilk mag'lubiyat bo'ldi. Jamoa 32 o'yindan 70 ochko jam'g'argan bo'lsa, Manchester City 30 o'yindan 61 ochko to'plagan.
Uchrashuvning birinchi bo'limida Bornmut ustunlik qildi. 17-daqiqada Eli Junior Krupi hisobni ochdi. Ushbu gol uning mavsumdagi 10-gol bo'lib, u Premier-ligada debut mavsumida bunday natijaga erishgan eng yosh futbolchilardan biriga aylandi.
Arsenal hujumda kutilganidek samarali harakat qila olmadi va uchrashuv davomida muxlislarning noroziligi sezildi. Natijada Bornmut turnir jadvalida 9-o'ringa ko'tarilib, Evropa musobaqalari uchun kurashdagi imkoniyatini saqlab qoldi.
