— Majburiy ijro byurosi faqat fuqarolardan qarzni undiradigan tashkilotmi yoki boshqa vazifalari ham bormi? MIB haqida to`liq malumot bersangiz?
G`ani Ergashev, Samarqand viloyati, Juma shahri
Sh.Aminov, Majburiy ijro byurosi direktori o`rinbosari:
— O`zbekiston Respublikasi Prezidentining 29.05.2017 yildagi «Elektr energiyasi va tabiiy gaz etkazib berish hamda iste`mol qilish sohasida to`lov intizomini yanada mustahkamlash, shuningdek, ijro ishi yuritish tizimini tubdan takomillashtirish chora-tadbirlari to`g`risida»gi PF-5059-sonli Farmoniga ko`ra tashkil etilgan Majburiy ijro byurosi Bosh prokuratura huzuridagi mustaqil huquqni muhofaza qiluvchi organ hisoblanadi.
Mazkur Farmonga muvofiq:
- sud hujjatlari va boshqa organlar hujjatlarining so`zsiz ijrosini ta`minlash, ijro hujjatlari hamda undirilgan mablag`larning haqqoniy hisobini yuritish, ijro ishi yuritishda sansalorlik va suiiste`molchilik holatlarini oldini olish;
- elektr, gaz uzatish va gaz taqsimlash tarmoqlariga noqonuniy ulanish, talon-toroj holatlarini aniqlash, bartaraf etish va oldini olish;
- elektr energiyasi va tabiiy gaz uchun tulovlarning uz vaktida va to`liq undirilishini, iste`molchilarning qarzdorligi kamaytirilishini ta`minlash;
- energiya resurslari iste`molini nazorat qilish va hisobga olishning zamonaviy avtomatlashtirilgan tizimlari, shuningdek, muqobil energiya manbalarining joriy etilishi ustidan monitoring o`tkazish;'
- energiya resurslarini sotish va iste`moli hisobini yuritishda ishtirok etish;
- energiya resurslari iste`molchilarining mas`uliyati va huquqiy madaniyatini oshirish choralarini ko`rish;
- kompleks tahlil o`tkazish, tizimli muammolarni aniqlash, energiya resurslari uchun hisob-kitob qilinishini ta`minlash va majburiy ijro tizimini takomillashtirish bo`yicha takliflar ishlab chiqish;
- qonun hujjatlarida belgilangan tartibda ma`muriy huquqbuzarliklar to`g`risidagi ishlarni yuritish, surishtiruv va tezkor-qidiruv faoliyatini amalga oshirish Majburiy ijro byurosining asosiy vazifalari sifatida belgilangan.
