FIFA AQSh–Isroil mojarosi fonida Eronning Jahon chempionati o‘yinlarini boshqa hududga ko‘chirish haqidagi so‘rovini rad etdi. Meksika prezidenti Kludiya Sheynbaumga ko‘ra, bunday qaror logistika murakkabligi sabab qabul qilingan.
Uning ta’kidlashicha, o‘yinlar avval rejalashtirilganidek AQShda o‘tkaziladi. Hatto Eron o‘yinlarini Meksikaga ko‘chirish varianti ham ko‘rib chiqilmagan.
FIFA prezidenti Janni Infantino ham o‘yinlar qur’a bo‘yicha belgilangan maydonlarda o‘tkazilishini bildirib, Eron Jahon chempionatida ishtirok etishini tasdiqladi.
Avvalroq Eron futbol federatsiyasi AQShda xavfsizlik masalasi bo‘yicha xavotir bildirgan. Bu Donald Trampning bayonotlaridan keyin yanada kuchaygan.
Shu bilan birga, tomonlar o‘rtasida bayonotlar almashinuvi davom etmoqda. Eron rasmiylari o‘yinlar ko‘chirilmasa, jamoa ishtirokini noaniq deb baholagan.
