O`tgan davr davomida Qashqadaryoda etishtirilgan qovun-tarvuz, limon, uzum, olma mahsulotlari mavsumiy eksportga jo`natilgan bo`lsa, hozirda achchiq qalampir eksporti amalga oshirilmoqda. Bu haqda bojxona qo`mitasi matbuot xizmati xabar berdi.
Bu mahsulotni eksport bojxona rejimiga rasmiylashtirishda "Nasaf" tashqi iqtisodiy faoliyat bojxona posti xodimlari yaqindan amaliy yordam ko`rsatishmoqda.
– Joriy yilning sentyabr oktyabr oyida qiymati qariyb 184 ming AQSh dollarilik yangi uzilgan hamda quritilgan achchiq qalampir mahsulotlari eksport bojxona rejimiga rasmiylashtirildi, – deydi, "Nasaf" tashqi iqtisodiy faoliyat bojxona posti boshlig`i G`ani Bozorov. – Mahsulotlar "Big Agro Legumes" MChJ tomonidan Rossiya va Arab mamlakatlariga jo`natilmoqda.
