Davlat xavfsizlik xizmati va Bojxona organlari hamkorligida Zangiota tumanida o‘tkazilgan tezkor tadbirda 1994 yilda tug‘ilgan, Qoraqalpog‘istonlik fuqaro ushlangan.
Tekshiruv davomida xorijdan yuborilgan suv nasosi ichiga 968 gramm “Alfa PVP” sintetik giyohvand modda yashirilgani aniqlangan.
Shuningdek, uning Toshkent shahri Yangihayot tumanidagi ijara uyida narkotik moddalarni qadoqlashda foydalanilgan elektron tarozilar, “zip” paketlar va skotchlar ham olingan.
Tergovga ko‘ra, gumonlanuvchi internetdagi narkodo‘konda “omborchi” sifatida faoliyat yuritgan.
Holat bo‘yicha jinoyat ishi qo‘zg‘atilgan, tergov davom etmoqda.
